தானே:
மும்பை திரையுலகில் பணிப்புரிந்து வரும் 23 வயதுடைய பெண் ஒருவர், வங்கானி பகுதியில் வசிக்கும் அமித் ஷெல்லார் எனும் நபருக்கு இரண்டரை வருடங்களுக்கு முன்னர் அறிமுகமாகியுள்ளார். இவர்கள் ஒரு வருடம் இருவரும் நண்பர்களாக பழகி வந்துள்ளனர். பின்னர் காதலாக மாறியுள்ளது.
இதனையடுத்து அப்பகுதியில் ஒரே வீடெடுத்து இருவரும் ஒன்றாக வாழ்ந்து வந்துள்ளனர். சில மாதங்கள் கழித்து அமித்தின் நடவடிக்கைகளில் அந்த பெண்ணுக்கு சந்தேகம் ஏற்பட்டுள்ளது. அந்த சந்தேகம் உண்மையாகியிருக்கிறது. அமித்துக்கு பல பெண்களுடன் தொடர்பு இருப்பது தெரிய வந்துள்ளது.
இது குறித்து அவரிடம் கேட்டு அடிக்கடி சண்டை போட்டு வந்துள்ளார். இந்நிலையில் இருவரும், இம்மாத தொடக்கத்தில் கோவா சென்றுள்ளனர். அங்கு ஓட்டலில் இருவரும் தங்கியிருக்கும்போது சண்டை தீவிரமடையவே, ஆத்திரம் தாங்காத அமித், அந்த பெண்ணின் தலை முடியை வெட்டியுள்ளார். பின்னர் அந்த பெண்னை விட்டு விட்டு அமித் அங்கிருந்து தலைமறைவாகிவிட்டார்.
இச்சம்பவத்தையடுத்து அந்த பெண் மீண்டும் தானே வந்தடைந்தார். அங்கு போலீசாரிடம் திருமணம் செய்வதாக கூறி அமித் தன்னை ஏமாற்றி கற்பழித்ததாகவும், தலை முடியினை வெட்டி கொடுமை செய்ததாகவும் புகார் கொடுத்துள்ளார். புகாரின் அடிப்படையில் அமித் மீது போலீசார் வழக்குப்பதிவு செய்து, அவரை தேடி வருகின்றனர். #ManBooked
