வயிற்றுப் புண்ணை குணமாக்கும் வாழைப்பூ துவையல்

தேவையான பொருட்கள் :

வாழைப்பூ (ஆய்ந்த மடல்) - 20,
புளி - பெரிய நெல்லிக்காய் அளவு,
உளுந்தம்பருப்பு- 2 டேபிள்ஸ்பூன்,
காய்ந்த மிளகாய் - 2,
உப்பு - தேவையான அளவு,
பெருங்காயத்தூள் - சிறிதளவு,
எண்ணெய் - 2 டீஸ்பூன்.



செய்முறை :

* வாழைப்பூவைப் பொடியாக நறுக்கி தண்ணீரில் போட்டு வைக்கவும்.

* வாணலியில் எண்ணெய் விட்டு உளுந்தம் பருப்பு, காய்ந்த மிளகாயை போட்டு வறுத்து தனியாக எடுத்துக்கொள்ளவும்.

* பிறகு அந்த கடாயில் வாழைப்பூவைச் சேர்த்து வதக்கவும்.

* வறுத்த பொருட்கள் அனைத்து ஆறியதும் புளி, காய்ந்த மிளகாய், பெருங்காயத்தூள், உளுந்தம் பருப்பு, உப்பு, வாழைப்பூ சேர்த்து மிக்ஸியில் சிறிது தண்ணீர் தெளித்து கெட்டியாக அரைக்கவும்.

* சத்து நிறைந்த வாழைப்பூ துவையல் ரெடி.

குறிப்பு: சூடான சாதத்துடன் கலந்து சாப்பிடலாம். சுட்ட அப்பளம் சிறந்த காம்பினேஷன். வாழைப்பூ வயிற்றுப்புண்ணை குணமாக்கும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.