தேவையான பொருட்கள் : பருப்புக் கீரை - 1 கட்டு
பாசிப்பருப்பு - 1/4 கப்
மிளகாய் தூள் - 1 தேக்கரண்டி
மஞ்சள் தூள் - 1/2 தேக்கரண்டி
சின்ன வெங்காயம் - 10
பூண்டு - 4 பல்
தக்காளி - 1 (பெரியது)
மிளகாய் வற்றல் - 4
கடுகு - 1/2 தேக்கரண்டி
சீரகம் - 1 தேக்கரண்டி
எண்ணெய் - 2 தேக்கரண்டி
உப்பு - தேவைக்கேற்ப
செய்முறை : * கீரையை (கூட்டு செய்யக் கூடிய ஏதாவது ஒரு கீரை) சுத்தம் செய்து கொள்ளவும்.
* பாதி தக்காளியை பொடியாக வெட்டிக் கொள்ளவும்.
* வெங்காயத்தை பொடியாக வெட்டவும்.
* குக்கரில் பருப்பை வேக வைத்து கொள்ளவும்.
* அடுத்து கீரை, பாதி தக்காளி, பாதி வெங்காயம், பூண்டு, அரை தேக்கரண்டி சீரகம் சேர்த்து 1/4 டம்ளர் தண்ணீர் விட்டு 2 விசில் விட்டு எடுத்து ஆறியதும், மிக்சியில் ஒரு சுற்று சுற்றி எடுத்துக் கொள்ளவும்.
* வாணலியில் எண்ணெய் விட்டு கடுகு, வெங்காயம், காய்ந்த மிளகாய் போட்டு தாளித்த பின் வெங்காயம் போட்டு வதங்கியதும் தக்காளி சேர்த்து குழைய வதக்கவும்.
* தக்காளி வதங்கியதும் மஞ்சள் தூள், மிளகாய் தூள், உப்பு சேர்த்து பிரட்டி விடவும்.
* மிளகாய் தூள் வாசம் மாறியதும் வேக வைத்த பருப்பையும், கீரை, சிறிது தண்ணீர் விட்டு கொதிக்க விட்டு தண்ணீர் வற்றியதும் இறக்கவும்.
* சுவையான பாசிப்பருப்புக்கீரை கடையல் தயார்.
* சாதத்தில் பிசைந்தும், பக்க உணவாகவும் சாப்பிடலாம்.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
