கடையம் அருகே உள்ள பாளை மறை மாவட்டத்தில், பிரசித்தி பெற்ற கருத்தபிள்ளையூர் கருணை வீரன் புனித அந்தோணியார் ஆண்டு திருவிழா நடைபெற்றது. விழாவினை முன்னிட்டு கடந்த 18-ம் தேதி சேர்த் தோட்டம் கெபியிலிருந்து திருக்கொடி பவனி வந்து மாலை 6.30 மணிக்கு பாதிரியார் ஜோசப் கென்னடி தலைமையில் கொடியேற்றம் நடைபெற்றது. அடுத்த 2 நாட்கள் விவிலிய போட்டி நடந்தது. 21-ம் தேதி காலையில் விளையாட்டு போட்டியும், மாலையில் பொன் விழா தம்பதியருக்கு பாராட்டு விழாவும், மறை கல்வி மாணவ மாணவிகளின் வகுப்பு வாரிய நடன நிகழ்ச்சியும் நடைபெற்றது.
22-ம் தேதி குடும்பங்கள் ஒன்றிப்பு விழா, அன்பிய ஒருங்கிணைப்பு மற்றும் மண்டலங்களின் சார்பில் கலை விழா நடந்தது. 23-ம் தேதி இறை மக்களின் பட்டிமன்றம் நடந்தது. 24- ம் தேதி ஆர்.சி. தொடக்க பள்ளியின் கலை நிகழ்ச்சி நடந்தது. 25- ம் தேதி சிறப்பு பட்டிமன்றமும், 27-ம் தேதி புனித அந்தோணியார் மேல்நிலை பள்ளி மாணவ, மாணவிகளின் கலை நிகழ்ச்சியும் நடைபெற்றது. 28-ம் தேதி புது நன்மை விழா, திருமுழுக்கு விழா, நற்கருணை பவனி நடந்தது.
கடந்த 29-ம் ம்தேதி சிறப்பு திருப்பலி, சமபந்தி விருந்தும், அதை தொடர்ந்து வான வேடிக்கையுடன் புனித அந்தோணியாரின் திருவுருவ தேர் பவனியும் நடந்தது. இதில் சென்னை மற்றும் வெளி மாவட்டங்களை சேர்ந்த கிறிஸ்தவ மக்கள் திரளாக கலந்து கொண்டனர். நேற்று திருப்பலி, நன்றி திருப்பலி, கொடியிறக்கம் மற்றும் இளையோர் கலை நிகழ்ச்சி நடந்தது. நவ நாட்களில் தினமும் காலை 5.30 மணிக்கு திருவிழா திருயாத்திரை குழுவினரின் சிறப்பு ஜெப வழிபாடும், மாலை 6.30 மணிக்கு நவ நாள் ஜெபம், திருப்பலி மறையுரை, நற்கருணை, ஆராதனை ஆகியன நடைபெற்றது.
விழா ஏற்பாடுகளை பங்கு தந்தை அந்தோணி வியாகப்பன், திருவிழா குழுவினர் மற்றும் அன்பிய இறை மக்கள் செய்திருந்தனர்.
