ஹார்வெஸ்ட் மூன் பிக்சர்ஸ் தயாரித்துள்ள படம் ‘முந்தல்’.
தமிழ், தெலுங்கு, கன்னடம், மலையாளம், இந்தி உள்ளிட்ட பல மொழி படங்களில் ஸ்டண்ட் இயக்குனராக பணியாற்றியுள்ள ஜெயந்த், ‘முந்தல்’ படத்தின் மூலம் திரைப்பட இயக்குநராக அறிமுகமாகியுள்ளார்.
அப்பு கிருஷ்ணா ஹீரோவாக அறிமுகமாகும் இதில், நாயகியாக முக்ஷா நடிக்கிறார். இவர்களுடன் நிழல்கள் ரவி, நான் கடவுள் ராஜேந்திரன், அழகு, மகாநதி சங்கர் உள்பட பலர் நடித்துள்ளனர். ரிஷா ஒரு பாடலுக்கு கவர்ச்சி நடனம் ஆடியுள்ளார்.
ஒளிப்பதிவு - ராஜா, இசை - கே.ஜெய்கிருஷ், எடிட்டிங் - சாய் சுரேஷ், நடனம் - ஜாய்மதி, தயாரிப்பு - கே.பாலகுமரன், இயக்கம் - ஜெயந்த்.
“புற்று நோயை குணப்படுத்த கூடிய மருந்துகளை நமது முன்னோர்கள் கண்டுபிடித்துவிட்டனர். வியாபார நோக்கில் சிலர் மறைத்து வைக்கும் அந்த ஓலைச்சுவடியை தேடி ஹீரோ செல்கிறார். அதே ஓலைச்சுவடியை தேடி வேறு சிலரும் செல்கிறார்கள். இறுதியில் அது யார் கையில் கிடைத்தது என்பது கதை.
சமூக அக்கறையுடன் கூடிய, இந்த படத்தை பார்த்த தணிக்கை குழுவினர், எந்தவித கட்டும் செய்யாமல் ‘யு’ சான்றிதழ் வழங்கி உள்ளனர். படத்தை பாராட்டி இயக்குனர் ஜெயந்துக்கு இனிப்பும் வழங்கினார்கள். இதனால் படக்குழுவினர் மகிழ்ச்சியடைந்துள்ளனர்.
‘முந்தல்’ படத்தை விரைவில் திரையிட திட்டமிட்டுள்ளனர்.
