பிரபு தேவா ஸ்டுடியோஸ் பட நிறுவனம் தயாரிக்கும் படம் ‘போகன்’. ரோமியோ ஜூலியட் படக்குழுவினர் கூட்டணியில் ‘போகன்’ படம் மிகப் பிரமாண்ட தயாரிப்பாக உருவாகி வருகிறது.
ஜெயம்ரவி கதாநாயகனாக நடிக்கிறார். இதில் இவருக்கு ஹீரோவாகவும், வில்லனாகவும் வரும் வேடம். அரவிந்த்சாமியும் ஹீரோ -வில்லன் என இரு வேறு கதாப்பாத்திரத்தில் நடிக்கிறார். ஒரே வேடம் தான் ஆனால் இரு வேறு குணாதிசயங்களை வெளிக் கொணரும் வேடங்கள் இருவருக்கும்.
நாயகியாக ஹன்சிகா நடிக்கிறார். இவர்களுடன் வி.டி.வி.கணேஷ், ஆடுகளம் நரேன், அஸ்வின், நாகேந்திர பிரசாத் ஆகியோர் நடிக்கிறார்கள்.
ஒளிப்பதிவு -சவுந்தர்ராஜன், இசை- டி.இமான், பாடல்கள்-தாமரை, மதன்கார்க்கி, ரோகேஷ், கலை -மிலன், நடனம்- ராஜு சுந்தரம், பிருந்தா, ஷெரீப் ஸ்டண்ட்-திலீப் சுப்பராயன், எடிட்டிங் -ஆண்டனி , தயாரிப்பு- டாக்டர். கே. கணேஷ், எழுதி இயக்குபவர்-லட்சுமன்.
படம் பற்றி இயக்குனரிடம் கேட்ட போது...
“ரோமியோ ஜூலியட் எப்படி ஜாலியான காதல் கதை ஆனால் இது பரபரப்பான ஆக்ஷன் திரில்லர். இதிலும் மெலிதான காமெடி படம் முழுவதும் இருக்கும். காக்கி சட்டைக்கு கவுரவம் சேர்க்கும் படமாக இது இருக்கும். படப்பிடிப்பு வேகமாக நடைபெற்றுக் கொண்டிருக்கிறது” என்றார்.
