அரசு பிலிம்ஸ் தயாரிப்பு நிறுவனம் தங்களது முதல் படமாக சிவா, பவர்ஸ்டார் சீனிவாசன் கூட்டணியை வைத்து தயாரித்துள்ள ‘அட்ரா மச்சான் விசிலு’ திரைக்கு வர தயாராகிறது.
இந்த நிலையில் தங்களது அடுத்த படத்தை தயாரிப்பதற்கான வேலைகளில் அரசு பிலிம்ஸ் இறங்கியுள்ளது. இந்த புதிய படத்துக்கு ‘மன்னர் வகையறா’ என பெயர் வைக்கப்பட்டுள்ளது.
இயக்குனர் பூபதி பாண்டியன் இந்தப்படத்தை இயக்குகிறார். இதில் விமல், கயல் ஆனந்தி, பிரபு, சரண்யா, ரோபோ சங்கர், நாசர், யோகிபாபு, ஜெயபிரகாஷ், கார்த்திக் (யாரடி நீ மோகினி) உள்பட பலர் நடிக்கிறார்கள்.
இந்த ‘மன்னர் வகையறா’ படம் தன்னை வித்தியாசப்படுத்திக்காட்டும் என்று விமல் கூறினார். இது வரை சூரியுடன் காமெடிக்கூட்டணி அமைத்துவந்த விமல், இதில் ரோபோ சங்கருடன் புதிதாக கூட்டணி அமைத்திருக்கிறார்.
ஆனந்தி நடிப்பு இதில் பேசப்படும். ‘மன்னர் வகையறா’ படத்தில் தனி நகைச்சுவை நடிகராக மாறியிருக்கும் ரோபோ சங்கரின் காமெடி மிகப்பெரிய ஹைலைட்டாக இருக்கும் என்று படக்குழுவினர் தெரிவித்தனர்.
ஒளிப்பதிவு- பி.ஜி.முத்தையா, இசை-ஜாக்ஸ். இந்த படத்தை முதல் பிரதி அடிப்படையில் நடிகர் விமல் தயாரித்து கொடுக்கிறார். படப்பிடிப்பு வருகிற 20-ந்தேதி சென்னையில் தொடங்குகிறது.
