மோகன்லால்-கவுதமி ஜோடி சேர்ந்து நடிக்கும் ஒரு படம் மலையாளம், தெலுங்கு, தமிழில் தயாராகிறது. தெலுங்கில் அந்தப் படத்திற்கு ‘‘மனமன்தா’’ என்றும் தமிழில் ‘‘நமது’’ என்றும் பெயர் சூட்டி உள்ளனர்.
சாய் ஷிவானி வழங்க, வாராஹி சலனசித்திரம் மற்றும் சாய் கோரப்பட்டி புரொடக்சன்ஸ் பட நிறுவனம் இதை தயாரிக்கிறது.
மலையாளத்தில் அமோக வெற்றி பெற்ற ஹிஸ் ஹைனஸ் அப்துல்லா படத்தில் ஜோடி சேர்ந்த மோகன் லால்- கவுதமி ராசியான ஜோடி என்று கேரளாவில் சொல்லுகிறார்கள். இந்த ஜோடியுடன், விஸ்வநாத்-ஹனிஷா ஆம்ரோஷ் இன்னொரு ஜோடியாக நடிக்கிறார்கள்.
இவர்களுடன் நாசர், ஊர்வசி, சந்திரமோகன், கொல்லப்புடி மாருதிராவ் ஆகியோரும் நடிக்கிறார்கள்.
வசனம் மற்றும் பாடல்களை மதன்கார்க்கி எழுதுகிறார். ஒளிப்பதிவு- ராகுல் ஸ்ரீவத்சவ், இசை-மகேஷ் சங்கர், தயாரிப்பு- ரஜினி கோரப்பட்டி.
எழுதி இயக்குபவர்- சந்திரசேகர் ஏலட்டி. இவர் தெலுங்கில் கோபிசந்தர் உட்பட பல முன்னணி நடிகர்கள் நடித்த படங்களை இயக்கியவர். படப்பிடிப்பு வேகமாக நடைபெற்று வருகிறது.
