காஜல் அகர்வாலின் 100 நாள் சவால்

தமிழ், தெலுங்கு என 2 மொழிகளிலும் முன்னணி கதாநாயகர்களுக்கு ஜோடியாக நடித்த காஜல் அகர்வால் கையில் தற்போது புது படம் எதுவும் இல்லை. கமல்ஹாசனுடன் நடிக்க ஒப்பந்தமான இந்தியன் 2 படம் பாதியில் நிற்கிறது. 

அவர் நடிப்பில் உருவான பாரிஸ் பாரிஸ் படம் மட்டும் ரிலீசுக்கு தயாராக இருக்கிறது. இந்நிலையில் தயாரிப்பாளராக மாறி தெலுங்கில் ஒரு படத்தை தயாரித்து வருகிறார். அவர் தயாரிக்கும் படத்தில் நடிக்கவில்லை.

புது வாய்ப்புகளுக்காக கவர்ச்சி படங்களாக எடுத்து சமூகவலைதளங்களில் வெளியிடும் காஜல் அடுத்து புது சவால் ஒன்றை விடுத்துள்ளார். தொடர்ந்து 100 நாள்கள் உடற்பயிற்சி செய்யும் சவால் ஒன்று இணையத்தில் டிரெண்ட் ஆகிக்கொண்டிருக்கிறது. இந்த சவாலை காஜல் அகர்வால் ஏற்றிருக்கிறார். மேலும், தனக்கு உடற்பயிற்சி அளிக்கும் பயிற்சியாளரைப் புகழ்ந்து பதிவு ஒன்றும் பகிர்ந்து இருக்கிறார்.