சிம்பு தற்போது ‘அன்பானவன் அசராதவன் அடங்காதவன்’ என்ற படத்தில் நடித்து வருகிறார். இப்படத்தின் தலைப்புகேற்றவாறு இப்படத்தில் மூன்று கெட்டப்புகளில் நடித்து வருகிறார் என்பதும் அனைவருக்கும் தெரிந்ததே. இதில், ‘மதுர மைக்கேல்’, ‘அஸ்வின் தாத்தா’ ஆகிய இரண்டு கெட்டப்புகள் பற்றிய செய்திகளும், டீசரும் வெளிவந்துவிட்டது.
அதேபோல், மதுர மைக்கேல் கெட்டப்புக்கு ஸ்ரேயா கதாநாயகியாகவும், அஸ்வின் தாத்தா கெட்டப்புக்கு தமன்னா ஹீரோயினாகவும் நடித்து வருகின்றனர். இந்நிலையில், மூன்றாவது கெட்டப் பற்றியும், அந்த கெட்டப்புக்கு யார் ஹீரோயின் என்பதையும் சஸ்பென்ஸாக வைத்திருந்தனர்.
இந்நிலையில், சிம்புவின் மூன்றாவது கெட்டப்புக்கான கதாநாயகி யார்? என்பதற்கு விடை தெரிந்துள்ளது. விஷால் நடித்த ‘தீராத விளையாட்டு பிள்ளை’, மாதவன் நடித்த ‘யாவரும் நலம்’, ஜெயம் ரவி நடித்த ‘ஆதிபகவன்’ ஆகிய படங்களில் நடித்த நீது சந்திரா தான் சிம்பு படத்தின் மூன்றாவது கதாநாயகியாக ஒப்பந்தமாகியுள்ளதாக செய்திகள் வெளியாகியுள்ளது.
நீது சந்திரா நடிப்பில் சமீபத்தில் வெளிவந்த ‘வைகை எக்ஸ்பிரஸ்’ படம் திரையரங்குகளில் வெற்றிகரமாக ஓடிக்கொண்டிருக்கிறது என்பது குறிப்படத்தக்கது.
