நீங்கள் தேடியது "மியாமி ஓபன் டென்னிஸ்"

மியாமி ஓபன் டென்னிஸ் தொடர் புளோரிடாவில் நடைபெற்று வருகிறது. ஆண்களுக்கான ஒற்றையர் பிரிவு 3-வது சுற்றில் 4-ம் நிலை வீரரான ரோஜர் பெடரர் பிலிப் கிராஜினோவிக்கை எதிர்கொண்டார். இதில் ரோஜர் பெடரர் 7-5, 6-3 என நேர்செட் கணக்கில் வெற்றி பெற்று 4-வது சுற்றுக்கு முன்னேறினார்.

மற்றொரு ஆட்டத்தில் டேனில் மெட்வெதேவ் ரெய்லி ஒபெல்காவை எதிர்கொண்டார். இதில் மெட்வெதேவ் கடும் போராட்டத்திற்குப்பின் 7(7) - 6(5), 6(5) - 7(7), 7(7) - 6(0) என வெற்றி பெற்று அடுத்த சுற்றுக்கு முன்னேறினார்.

ஷபோவாலோவ் 6-3, 7(7) - 6(5) எனவும், டிசிட்சிபாஸ் 6-4, 6-4 என நேர்செட் கணக்கிலும், டேவிட் கோபின் 6-4, 6-4 என நேர்செட் கணக்கிலும் வெற்றி பெற்றனர்.

மியாமி ஓபன் டென்னிஸ் தொடருக்கான தகுதிச் சுற்று போட்டிகள் நடைபெற்று வந்தன. மியாமி டென்னிஸ் தொடருக்கான தரநிலை பெறாத வீரர்கள் தகுதிச் சுற்றில் வெற்றி பெற்று அதன் மூலம் முதன்மை சுற்றுக்கு முன்னேற வேண்டும்.

இந்தியாவைச் சேர்ந்த தமிழக வீரர் குணேஸ்வரன் முதல் இரண்டு தகுதிச் சுற்றில் வெற்றி பெற்று நேற்று நடைபெற்ற 3-வது சுற்றில் இங்கிலாந்தைச் சேர்ந்த ஜெய் கிளார்க்கை எதிர்கொண்டார். இதில் குணேஸ்வரன் 6-4, 6-4 என நேர்செட் கணக்கில் வெற்றி பெற்று முதன்மை சுற்றுக்கு முன்னேறியுள்ளார்.

முதல் சுற்றில் ஸ்பெயின் வீரர் ஜாமி முனாரை நாளை எதிர்கொள்கிறார்.