என் மலர்
நீங்கள் தேடியது "Kodaikanal"
- கொடைக்கானல் நகர் மற்றும் மேல் மலை, கீழ் மலை கிராமங்களில் ஒரு வாரத்திற்கு மேலாக பலத்த காற்றுடன் சாரல் மழை, அவ்வப்போது மிதமான மழை பெய்து வருகிறது.
- இந்த மலைச்சாலையை விரைந்து சீரமைக்க பொது மக்கள் மற்றும் சுற்றுலாப் பயணிகள் கோரிக்கை விடுத்துள்ளனர்.
கொடைக்காலை:
கொடைக்கானல் நகர் மற்றும் மேல் மலை, கீழ் மலை கிராமங்களில் ஒரு வாரத்திற்கு மேலாக பலத்த காற்றுடன் சாரல் மழை, அவ்வப்போது மிதமான மழை பெய்து வருகிறது. இதனால் ஆங்காங்கே மரங்கள் முறிந்து விழுவது டன் மின்தடையும் ஏற்படு கிறது. இதன்காரணமாக நகர் பகுதி மற்றும் கிராமப் பகுதி பொது மக்கள் கடும் அவதி அடைகின்றனர்.சாலையோரங்கள் மற்றும் மின் கம்பங்கள் உள்ள இடங்களில் விழும் நிலையில் உள்ள மரங்களை அகற்ற பொதுமக்களும் சமூக ஆர்வலர்களும் பல முறை கோரிக்கை வைத்தும் இன்னும் அகற்றப்படாமல் உள்ளது.
இதேபோல் மேல்மலை கிராமமான மன்னவனூர் பகுதியில் உள்ள நெடுஞ்சா லைக்கு சொந்தமான பிரதான சாலை குண்டும் குழியுமாகவும் சேரும் சகதியுமாகவும் உள்ளது. இதனால் கார்கள் மற்றும் இருசக்கர வாகனங்கள் செல்வதில் கடும் சிரமம் ஏற்படுகிறது. நடந்து செல்வதற்கு கூட ஏற்ற சாலைகளாக இல்லை என்பது அப்பகுதி மக்களின் குற்றச்சாட்டு.தற்போது மன்னவனூர் பகுதி சுற்றுலா பயணிகள் அதிகம் கூடும் முக்கிய சுற்றுலா தளமாக விளங்கி வருகிறது.
ஆனால் கொடைக்கா னலில் இருந்து மன்னவனூர் சூழல்சுற்றுலா மையம் செல்லும் வரையிலும் அதைத் தாண்டி கவுஞ்சி, கிளாவரை, பூண்டி உள்ளி ட்ட மலை கிராமங்கள் செல்லும் பிரதான சாலை கள்மிகவும் மோசமாக சிதலமடைந்துள்ளது.இதனால் உள்ளூர் பொது மக்களும் சுற்றுலா பயணி களும் வாகனங்களை இயக்குவதில் சிரமம் அடைந்து வருகின்றனர்.இந்த மலைச்சாலையை விரைந்து சீரமைக்க பொது மக்கள் மற்றும் சுற்றுலாப் பயணிகள் கோரிக்கை விடுத்துள்ளனர்.கிராமப்புற சுற்றுலா வளர்ச்சியை கருத்தில் கொண்டு மாவட்ட நிர்வாகம் உரிய நடவடிக்கை எடுக்க கோரிக்கை விடு த்துள்ளனர்.
- கோடை சீசன் முடிந்த நிலையில் வார விடுமுறை நாட்களில் கூட்டம் அதிகரித்தே காணப்படுகிறது.
- நீண்ட நேரம் காத்திருந்த சுற்றுலா பயணிகள் ஏமாற்றம் அடைந்தனர்.
கொடைக்கானல்:
மலைகளின் இளவரசியான கொடைக்கானலுக்கு தமிழகம் மட்டுமின்றி வெளி மாநிலம், வெளி நாடுகளில் இருந்து ஏராளமான சுற்றுலா பயணிகள் வருகின்றனர்.
கோடை சீசன் முடிந்த நிலையில் வார விடுமுறை நாட்களில் கூட்டம் அதிகரித்தே காணப்படுகிறது. இதனால் குணாகுகை, மோயர் பாய்ண்ட், பைன்பாரஸ்ட், தூண்பாறை, கோக்கர்ஸ் வாக், பசுமை பள்ளத்தாக்கு, பிரையண்ட் பூங்கா, ரோஜா பூங்கா, செட்டியார் பூங்கா உள்ளிட்ட இடங்களில் சுற்றுலா பயணிகள் வரத்து அதிகரித்து போக்குவரத்து நெரிசல் ஏற்பட்டது.
மேலும் நகரின் மையப்பகுதியில் அமைந்துள்ள நட்சத்திர ஏரியில் சுற்றுலா பயணிகள் குவிந்தனர். ஆனால் நேற்று காலை முதல் சாரல் மழையுடன் பலத்த காற்று வீசியது.
தொடர்ந்து குறையாமல் காற்று வீசியதால் ஏரியில் இருவகையான படகு சவாரிகள் நிறுத்தப்பட்டன. இதனால் நீண்ட நேரம் காத்திருந்த சுற்றுலா பயணிகள் ஏமாற்றம் அடைந்தனர். வெகுநேரம் கழித்து துடுப்பு படகு சவாரிக்கு மட்டும் அனுமதி வழங்கப்பட்டது. இதனால் அங்கு அதிக அளவில் சுற்றுலா பயணிகள் குவிந்தனர்.
மிதி படகுகள் முழுமையாக நிறுத்தப்பட்டன. இன்று காலையும் சாரல் மழை பெய்தது. இந்த சீதோசணத்தை அனுபவிக்க வெளி மாநிலத்தில் இருந்து ஏராளமான சுற்றுலா பயணிகள் வந்திருந்தனர்.
அப்போது போர் ஒத்திகையில் ஈடுபடும் விமானங்கள் வானில் பறந்து சென்றதைப் பார்த்து அவர்கள் அதிர்ச்சியடைந்தனர். சுமார் 20 நிமிடம் கொடைக்கானல் நகரிலும், மலை கிராமங்களிலும் வட்டமடித்த அந்த விமானங்கள் பின்னர் மறைந்தது.
கொடைக்கானல் மலை கிராமங்களில் நக்சலைட் நடமாட்டம் இருப்பதாக அடிக்கடி போலீஸ் சோதனை நடத்தப்படும். மேலும் இஸ்ரேல், பாலஸ்தீனம் போன்ற நாடுகளைச் சேர்ந்தவர்கள் கொடைக்கானலுக்கு வரும் போது ஒருவித பதட்டமான சூழல் உருவாகும்.
இந்நிலையில் இன்று கொடைக்கானலில் பறந்த போர் விமானங்களால் பொதுமக்களுக்கு பல்வேறு சந்தேகங்கள் ஏற்பட்டன. இது குறித்து போலீசாரிடம் கேட்டபோது அவர்களும் தங்களுக்கு எந்த தகவலும் தெரியவில்லை என்றனர். இந்த சம்பவம் சுற்றுலா பயணிகள் மற்றும் பொதுமக்களிடையே மிகுந்த பரபரப்பை ஏற்படுத்தியது.
இந்த வருடம் கொடைக்கானலுக்கு வந்துள்ள சுற்றுலா பயணிகள் தொட்டாசிணுங்கி மலர்களின் அருகே நின்று செல்பி எடுத்து மகிழ்ந்தனர்.
கொடைக்கானலில் ஒவ்வொரு ஆண்டும் மே மாதம் 2 அல்லது 3-வது வாரத்தில் மலர் கண்காட்சி நடத்தப்படும். ஆனால் இந்த ஆண்டு ஜூன் மாதத்துக்கு தள்ளிப் போயுள்ளது. அந்த சமயத்தில் பள்ளி கல்லூரிகள் தொடங்கி விடும் என்பதால் அப்போது சுற்றுலா பயணிகளின் வருகை எதிர்பார்த்த அளவு இருக்குமா? என்ற சந்தேகம் எழுந்துள்ளது.
எனவே பிரையண்ட் பூங்காவில் மலர் கண்காட்சிக்கு வடிவமைக்கப்படும் நார்ணியா உருவ பொம்மை தற்போது வைக்கப்பட்டுள்ளது. அதுவும் சுற்றுலா பயணிகளை மிகவும் கவர்ந்துள்ளது.
கொடைக்கானல்:
மலைகளின் இளவரசியான கொடைக்கானலுக்கு தமிழகம் மட்டுமின்றி வெளிமாநிலம், வெளிநாடுகளில் இருந்து ஏராளமான சுற்றுலா பயணிகள் வந்து செல்கின்றனர். முக்கிய சுற்றுலா இடங்களான குணாகுகை, பில்லர்ராக், மோயர்பாயிண்ட், கோக்கர்ஸ் வாக், பைன்பாரஸ்ட் என 12 மைல் சுற்றளவில் சுற்றுலா பயணிகளை கவரும் வண்ணம் இயற்கை எழிலுடன் உள்ளது.
மேலும் பேரிஜம் ஏரிக்கு செல்லவும் சுற்றுலா பயணிகள் ஆர்வம் காட்டுவார்கள். இவை அனைத்தும் வனத்துறை கட்டுப்பாட்டில் உள்ளது. வங்கக்கடலில் காற்றழுத்த தாழ்வுப்பகுதி உருவாகி உள்ளது.
இது பானிப்புயலாக மாறி வருகிற 29-ந்தேதி வடதமிழகம் மற்றும் தென் ஆந்திரா வழியாக கரையை கடக்க உள்ளது. இதனால் தமிழகத்திற்கு ரெட்அலர்ட் எச்சரிக்கை விடப்பட்டுள்ளது.
கடந்த கஜாபுயலின்போது கொடைக்கானல் மற்றும் மேல்மலை, கீழ்மலைகளில் கடுமையாக பாதிக்கப்பட்டன. மரங்கள், மின்கம்பங்கள் முறிந்துவிழுந்து இயல்புநிலை திரும்ப ஒரு மாதத்திற்கும் மேலானது. எனவே தற்போது உருவாகி உள்ள பானிப்புயலை எதிர்கொள்ள முன்னெச்சரிக்கை நடவடிக்கை எடுக்கப்பட்டு வருகிறது.
அதன் ஒருபகுதியாக கொடைக்கானலில் உள்ள சுற்றுலா இடங்கள் அனைத்தும் பாதுகாப்பு கருதி 29,30 ஆகிய 2 நாட்களுக்கு மூடப்பட்டு இருக்கும் என வனத்துறையினர் அறிவித்துள்ளனர்.
மேலும் சேதங்கள் குறித்து ஆய்வு செய்த பின்னர் சுற்றுலா பயணிகள் செல்ல அனுமதி வழங்கப்படும் என தெரிவித்தனர். #CycloneFani #TNRains
கொடைக்கானல்:
கொடைக்கானலில் கடந்த 1 வாரமாக மாலை நேரங்களில் அவ்வப்போது சாரல் மழை பெய்து வந்தது. தொடர் விடுமுறையால் கொடைக்கானல் வந்த சுற்றுலா பயணிகள் மழையில் நனைந்தபடியே பல இடங்களை சுற்றிப் பார்த்து மகிழ்ந்தனர்.
நேற்று மாலை 6 மணி முதல் வானம் மேகமூட்டத்துடன் காணப்பட்ட நிலையில் சாரலுடன் மழை பெய்யத் தொடங்கியது. அதன் பிறகு பலத்த மழையாக மாறி இன்று காலை 6 மணி வரை விட்டு விட்டு பெய்தது. இதனால் மக்கள் வீட்டை விட்டு வெளியே வர முடியாத நிலை ஏற்பட்டது. பல இடங்களில் மழை நீர் வெள்ளம் போல் பெருக்கெடுத்து ஓடியது. இரவு நேரங்களில் மின் தடையும் அடிக்கடி ஏற்பட்டது.
கொடைக்கானலில் கடந்த பிப்ரவரி மாதம் தொடக்கத்திலேயே கோடையின் தாக்கம் அதிகமாக நிலவி வந்தது. நாட்கள் செல்ல செல்ல வெப்பம் அதிகரித்ததால் கோடையில் தண்ணீர் தட்டுப்பாடு ஏற்படும் என்ற அச்சம் நிலவி வந்தது.
ஆனால் கொடைக்கானலில் தற்போது பெய்து வரும் மழையினால் நகருக்கு குடிநீர் வழங்கும் அணைகளுக்கு தண்ணீர் வரத்து அதிகரித்துள்ளது. இதனால் கோடையில் ஏற்பட இருந்த தண்ணீர் தட்டுப்பாட்டுக்கான ஆபத்தும் நீங்கியுள்ளது.
வெள்ளி நீர் வீழ்ச்சி, பியர் சோழா, பாம்பார் நீர் வீழ்ச்சி போன்ற பல்வேறு அருவிகளில் வெள்ளப் பெருக்கு ஏற்பட்டுள்ளது. மேலும் மலைச்சாலையில் ஆங்காங்கே புதிய அருவிகளும் தோன்றி வருகின்றன. இதனால் கொடைக்கானல் நகர மக்களும், விவசாயிகளும் மகிழ்ச்சியடைந்துள்ளனர்.
கொடைக்கானல் மேல்மலை கிராமமான பூம்பாறை, பூண்டி, மன்னவனூர், கீழானவயல் உள்ளிட்ட பல கிராமங்களில் கடந்த 3 நாட்களாக நல்ல மழை பெய்துள்ளது. இதனால் அப்பகுதி விவசாயிகள் கேரட், உருளைக்கிழங்கு ஆகிய விதைப்புகளை தொடங்கும் பணியில் ஈடுபட்டுள்ளனர். கீழ்மலை பகுதிகளிலும் நேற்று 2 மணி நேரம் நல்ல மழை பெய்தது.
இதே போல திண்டுக்கல் மாவட்டத்தில் பல பகுதிகளிலும் பரவலாக நேற்று மழை பெய்தது. திண்டுக்கல்லில் இரவு 7 மணிக்கு மழை பெய்யத் தொடங்கிய உடன் மின்தடை ஏற்பட்டது. சுமார் 2 மணி நேரத்துக்கும் மேலாக மின் தடை நிலவியதால் மக்கள் மிகுந்த சிரமத்துக்கு ஆளாகினர். வேடசந்தூர், ஒட்டன்சத்திரம் உள்ளிட்ட பகுதிகளில் மழை பெய்ய தொடங்கிய போது சூறாவளி காற்று வீசியதால் மழை தடைபட்டது.
மாவட்டத்தின் பல பகுதிகளில் பெய்த மழையினால் வெப்பத்தின் தாக்கம் அடியோடு குறைந்தது. மேலும் சில நாட்கள் மழை நீடிக்கும் என்று எதிர்பார்க்கப்படுவதால் குடிநீருக்கு சிக்கல் இருக்காது என மக்கள் நம்புகின்றனர். #Rain
கொடைக்கானலில் கடந்த 4 நாட்களாக அவ்வப்போது மழை பெய்து வருகிறது. இதனால் வெப்பம் தணிந்து குளுமையான நிலை உருவாகி உள்ளது. இதனால் காலையிலிருந்தே சுற்றுலாப்பயணிகள் வருகை அதிகரித்தது.
எனவே நகரிலிருந்து சுமார் 10 கிலோமீட்டர் தூரம் வரை வாகனங்கள் அணிவகுத்து நின்றன. பிரையண்ட் பூங்கா, படகுக் குழாம், பில்லர் ராக் , பசுமைப் பள்ளத்தாக்கு போன்ற பகுதிகளில் சுற்றுலாப் பயணிகள் அதிகமாக கூடியதால் வாகனங்கள் நகர முடியாமல் ஸ்தம்பித்து நின்றன.
இயற்கை எழில் காட்சிகளை முழுமையாக கண்டுரசிக்க முடியாமல் சுற்றுலாப்பயணிகள் தவித்தனர். மேலும் தங்குவதற்கு அறைகள் கிடைக்காததால் கொடைக்கானலுக்கு ஏன் வந்தோம் என செய்வதறியாது விழித்துக்கொண்டு நின்றது மிகவும் பரிதாபமாக இருந்தது.
கொடைக்கானல் வரும் சுற்றுலாப் பயணிகள் பலருக்கு விதிமீறல் கட்டிடங்கள் சீல் வைக்கப்பட்டது தெரியாமல் வழக்கம்போல் கொடைக்கானலுக்கு படையெடுத்துள்ளனர்.
கொடைக்கானலில் தங்கி இதமான சூழலை அனுபவிக்க நினைத்தவர்களுக்கு ஏமாற்றமே மிஞ்சியது. குழந்தைகளும் பெண்களும் மிகவும் ஏக்கத்துடன் காணப்பட்டனர். அடுத்தமாதம் இதற்கு மேல் கூட்டம் அலைமோதும் என்பதால் விதிமீறல் கட்டிட விவகாரத்தில் அவர்களுக்கு நல்ல தீர்ப்பு கிடைக்கும் வகையில் நடவடிக்கையை விரைந்து முடிக்கவும், சுற்றுலாப்பயணிகளின் சிரமத்தைப்போக்கவும் வழிவகை செய்ய மாநில அரசு தலையிட வேண்டி கொடைக்கானல் பொதுமக்களும், சுற்றுலாப் பயணிகளும் கோரிக்கை வைத்துள்ளனர்.
கொடைக்கானல்:
மலைகளின் இளவரசி என அழைக்கப்படும் கொடைக்கானலில் ஆண்டு முழுவதும் இதமான சீசன் நிலவி வருகிறது. எனவே தான் வெளிநாடுகள் மட்டுமின்றி இந்தியாவில் உள்ள பல்வேறு பகுதிகளில் இருந்தும் சுற்றுலா பயணிகள் கொடைக்கானல் வந்த வண்ணம் உள்ளனர்.
இந்த ஆண்டு எப்போதும் இல்லாத அளவுக்கு கடும் வெயில் வறுத்து எடுத்து வருகிறது. போதிய மழை இல்லாத காரணத்தால் குளுமையாக இருக்கும் இடத்தில் கூட வெயில் சுட்டெரிக்கிறது.
இதனால் கொடைக்கானல் மலைப்பகுதியில் பயிரிட்டுள்ள காய்கறிகள் அனைத்தும் வறண்டு போனது. இதனால் விவசாயிகள் அதிர்ச்சியடைந்தனர். கடும் வறட்சி காரணமாக குடிநீர் தட்டுப்பாடு ஏற்படுமோ என்று மக்கள் அதிர்ச்சியடைந்தனர்.
எனவே எப்போது மழை பெய்யும் என்று ஆவலோடு எதிர்பார்த்து இருந்தனர். ஆனால் வருண பகவான் கண் திறக்கவில்லை. தொடர்ந்து வெயில் சுட்டெரித்ததால் கொடைக்கானல் வந்த பயணிகளும் கடும் இன்னல்களுக்கு ஆளானார்கள். நேற்று மாலை கரு மேகம் திடீரென சூழ்ந்தது. இரவு நேரத்தில் இடி-மின்னலுடன் பலத்த மழை கொட்டித் தீர்த்தது.
சூறாவளி காற்று தொடர்ந்து வீசியதால் ஏராளமான மரங்கள் முறிந்து விழுந்தது. இதனால் கொடைக்கானல் பகுதியில் ஒரு சில இடங்களில் போக்கு வரத்து பாதிக்கப்பட்டது. சுமார் 1½ மணி நேரம் பெய்த மழையால் வீதிகளில் தண்ணீர் கரைபுரண்டு ஓடியது.
இதனால் தற்போது ஓரளவு குளுமையாக உள்ளது. தொடர் விடுமுறை காரணமாக ஏராளமான சுற்றுலா பயணிகள் கொடைக்கானல் வந்த வண்ணம் உள்ளனர். இன்று காலையிலேயே பயணிகள் கூட்டம் அலைமோதியது. ரம்யமான சீசனும் இருந்ததால் சுற்றுலா பயணிகள் மகிழ்ச்சியடைந்தனர்.
இதன் காரணமாக பிரையண்ட் பூங்கா, ஏரி, மோயர்பாயிண்ட், கோக்கர்ஸ் வாக், குணா குகை, பசுமை பள்ளத்தாக்கு மற்றும் கொடைக்கால் பகுதியில் உள்ள அனைத்து சுற்றுலா தலங்களிலும் பயணிகள் கூட்டம் அதிகம் காணப்பட்டது. எனவே கொடைக்கானல் நகரில் இதனை நம்பியுள்ள தொழில்களும் களை கட்டியது.
தொடர்ந்து மழை பெய்தால் கோடை சீசன் களை கட்டும். குடிநீர் தட்டுப்பாடும் ஏற்படாது என்று அங்குள்ள மக்கள் தெரிவித்தனர்.
கொடைக்கானல்:
கொடைக்கானல் வனப்பகுதியை ஒட்டியுள்ள பல்வேறு கிராமங்களில் அடிக்கடி வன விலங்குகள் இடம் பெயர்ந்து வீட்டு கால்நடைகளை அடித்து காயப்படுத்தி சென்றதும் மக்களை மிரட்டி செல்வதும் நடந்து வருகிறது.
கடந்த 2 நாட்களாக புலியூர், டைகர் சோலை, குறிஞ்சி நகர் உள்ளிட்ட பகுதிகளில் காட்டுத் தீ பற்றி எரிந்து வருகிறது. இதனால் வன விலங்குகள் காட்டுத் தீக்கு பயந்து கிராமங்களுக்குள் நுழைந்து வருகின்றன.
வில்பட்டியை அடுத்துள்ள புலியூர் பகுதியைச் சேர்ந்த சேகர் தனக்கு சொந்தமான குதிரையை மேய்ச்சலுக்கு விட்டிருந்தார். மீண்டும் காலையில் குதிரையை பார்த்த போது அதை காணவில்லை.சிறிது தூரம் தேடிச் சென்று பார்த்த போது மர்ம விலங்கு தாக்கி இறந்தது கிடந்தது. குதிரையின் கழுத்தில் ஆழமான காயம் இருந்ததால் புலி கடித்து கொன்றிருக்கலாம் என அப்பகுதி மக்கள் சந்தேகமடைந்தனர்.
இதனையடுத்து வனத்துறையினருக்கு தகவல் தெரிவிக்கப்பட்டது. கால்நடை மருத்துவர் ஹக்கீம் சம்பவ இடத்துக்கு வந்து குதிரையின் உடலை அதே இடத்தில் பிரேத பரிசோதனை செய்து வனப்பகுதியில் புதைத்தனர்.
வனத்துறையினர் தெரிவிக்கையில், புலி நடமாட்டம் இருப்பதற்கான வாய்ப்பு இல்லை. குதிரை எவ்வாறு இறந்தது என விசாரணை நடத்தப்படும் என்றனர்.
கடந்த சில நாட்களுக்கு முன்பு மேல்லை பகுதியில் புலி வந்து சென்றதற்கான கால்தடம் பதிவாகி இருந்தது அதே போல் தற்போது வனப்பகுதியில் ஏற்பட்டுள்ள கால் தடத்தால் விலங்குகள் இடம் பெயர்ந்து வந்திருக்கலாம் என பொதுமக்கள் கூறும் போதும் வனத்துறையினர் அதனை மறுத்து வருவது பொதுமக்களை வியப்பில் ஆழ்த்தி வருகிறது.
கொடைக்கானல்:
கொடைக்கானலில் தற்போது பனியின் தாக்கம் முற்றிலும் குறைந்து வெயில் அதிகரித்து வருகிறது. பகல் நேரத்தில் வழக்கத்தை விட அதிக வெப்பம் நிலவி வருவதால் வனப்பகுதியில் வறட்சி அதிகரித்துள்ளது.
இதனால் வன விலங்குகள் குடியிருப்பு மற்றும் விவசாய நிலங்களில் புகுந்து விடுகின்றன. மேலும் வெயில் அதிகரித்துள்ளதால் குடியிருப்பு பகுதிகளிலும் அவ்வப்போது தீ பற்றி வருகிறது.
வனப்பகுதியில் உள்ள புற்கள், இலை, சருகுகள் மற்றும் மரங்கள் காய்ந்து உள்ளன. வெள்ளி நீர்வீழ்ச்சி, டைகர்சோலை, பெருமாள்மலை, அட்டக்கடி, வடகவுஞ்சி, சீனிவாசபுரம், குறிஞ்சிஆண்டவர் கோவில் சாலை, அட்டுவம்பட்டி உள்ளிட்ட இடங்களில் காட்டு தீ பற்றி எரிந்து வருகிறது.
இதில் பைன் , மலைவேம்பு உள்ளிட்ட அரியவகை மரங்களும் மூலிகை செடிகளும் தீயில் எரிந்து நாசமானது. வன விலங்குகளும் இடம் பெயர்ந்து வருவதால் பொதுமக்கள் அச்சம் அடைந்துள்ளனர். தீயணைப்புதுறையினர் மற்றும் வனத்துறையினருக்கு தகவல் தெரிவிக்கப்பட்டு தீயை அணைக்கும் பணியில் தீவிரமாக ஈடுபட்டுள்ளனர். இருந்தபோதும் காற்றின் வேகம் அதிகமாக உள்ளதால் தீயை அணைக்க போராடி வருகின்றனர்.
கொடைக்கானல்:
கொடைக்கானலில் தற்போது கடுமையான வெயில் காலம் நிலவி வருகிறது. அவ்வப்போது குளிர்ந்த காற்றுடன் சாரல் மழைபெய்து செல்கிறது.
ஆனால் இந்த மழையின் அனுபவம் சில நொடிகள் மட்டுமே உள்ளது. அதன்பிறகு மீண்டும் வெயிலின் தாக்கம் அதிகரிக்கிறது. இதுபோன்ற பருவநிலை மாற்றத்தால் கொடைக்கானலில் பொதுமக்கள் மட்டுமின்றி வன விலங்குகளும் பாதிக்கப்பட்டு வருகின்றன.
நேற்று கொடைக்கானல் நகர் பகுதியான மக்கள் குடியிருப்புகள் அதிகம் உள்ள பில்லீஸ்வில்லா தெருவில் 2 பாம்புகள் ஜோடியாக புகுந்தது.
இதனை பார்த்ததும் அப்பகுதி மக்கள் அதிர்ச்சி அடைந்து அதனை விரட்ட முயன்றனர். மேலும் இது குறித்து தீயணைப்புத்துறையினருக்கு தகவல் தெரிவித்தனர். அவர்கள் விரைந்து வந்து நீளமான 2 மலைச்சாரை பாம்புகளை லாவகமாக பிடித்தனர்.
பின்னர் அந்த பாம்புகள் வனத்துறையினரிடம் ஒப்படைக்கப்பட்டது. அவர்கள் அந்த பாம்புகளை வனப்பகுதிக்குள் கொண்டு விட்டனர். கொடைக்கானல் பகுதியில் காட்டெருமை, மான், சிறுத்தை, யானை போன்ற வன விலங்குகள் அடிக்கடி இடம் பெயர்ந்து பொதுமக்களை அச்சுறுத்தி வந்த நிலையில் தற்போது 2 பாம்புகள் பிடிபட்டது மிகுந்த பரபரப்பை ஏற்படுத்தியது.
