புதுச்சேரி:
புதுவை முத்தியால்பேட்டை எம்.எஸ். அக்ரஹாரத்தில் வீர ஆஞ்சநேயர் கோவில் உள்ளது. இந்த கோவிலில் ஆண்டுதோறும் ராமநவமி உற்சவம் நடைபெற்று வருகிறது.
அதன்படி 28-ம் ஆண்டு ராமநவமி உற்சவம் வருகிற 30-ந் தேதி தொடங்குகிறது.
உற்சவம் அடுத்த மாதம் 9-ந் தேதி வரை நடைபெறுகிறது. உற்சவ நாட்களில் பெருமாளுக்கு காலை, மாலையில் விசேஷ திருமஞ்சனம், அபிஷேகம் மற்றும் அலங்காரமும், பெருமாள் வீதி உலா நடைபெறுகிறது.
மேலும் வருகிற 3-ந் தேதி கோவிலில் காலை 12 மணிக்கு மேல் ராமானுஜர் மற்றும் மணவாள மாமுனிகள் ஐம்பொன் சிலைகள் பிரதிஷ்டை செய்யப்படுகிறது. இதையொட்டி அன்று காலை 9 மணி முதல் கும்ப பூஜை, பூர்ணாஹூதி அதன் பிறகு மங்களாசாசனம், சாற்றுமுறை ஆகியவை நடைபெறுகின்றன.
முன்னதாக 2-ந் தேதி 6 மணிக்கு மேல் அனுச்சை, கும்ப பிரதிஷ்டை ஹோமம், பூர்ணாஹூதி, சாத்துமுறை ஆகிய நிகழ்ச்சிகள் நடைபெறுகிறது. இதற்கான ஏற்பாடுகளை வீர ஆஞ்சநேயர் கோதண்டராமர் கோவில் கைங்கரிய சபா செய்து வருகிறது.
