மலேசியாவில் ஆசிய சாம்பியன்ஸ் டிராபி ஹாக்கி தொடர் நடைபெற்று வருகிறது. இன்று நடைபெற்ற அரையிறுதியொன்றில் இந்தியா - தென்கொரியா அணிகள் பலப்பரீட்சை நடத்தின.
ஆட்டத்தின் முழு நேர முடிவில் இரு அணிகளும் தலா இரண்டு கோல்கள் அடித்து 2-2 என சமநிலை அடைந்தன. இதனால் பெனால்டி ஷூட்அவுட் முறை கடைபிடிக்கப்பட்டது.
முதலில் பெனால்டி வாய்ப்பை அடிக்கும் வாய்ப்பை பெற்ற இந்தியா தொடர்ந்து 5 முறையும் கோல்கள் அடித்தது. தென்கொரியாவின் முதல் நான்கு வீரர்களும் கோல் அடித்தனர். இதனால் 5-4 என இந்தியா முன்னிலையில் இருந்தது.
கடைசி வாய்ப்பை தென்கொரிய வீரர் அடித்தார். அதை இந்திய விக்கெட் கீப்பர் ஸ்ரீஜேஷ் சிறப்பான வகையில் தடுத்தார். இதனால் இந்தியா ‘பெனால்டி ஷூட்’ முறையில் 5-4 என தென்கொரியாவை வீழ்த்தி இறுதிப் போட்டிக்கு முன்னேறியுள்ளது.
2011-ம் ஆண்டு நடைபெற்ற தொடரில் இந்தியா சாம்பியன் பட்டம் வென்றது. 2012-ல் பாகிஸ்தானிடம் தோல்வியடைந்து 2-வது இடம் பிடித்தது. தற்போது 3-வது முறையாக இந்தியா இறுதிப் போட்டிக்கு முன்னேறியுள்ளது.
