அமெரிக்க ஓபன் டென்னிஸ்: அரையிறுதிக்கு முன்னேறினார் வாவ்ரிங்கா

நியூயார்க்:

அமெரிக்க ஓபன் டென்னிஸ் போட்டியில், இன்று நடைபெற்ற கால்இறுதி ஆட்டத்தில் உலக தர வரிசையில் ஆடவர் ஒற்றையர் பிரிவில் 3-ம் நிலையில் உள்ள வாவ்ரிங்கா, முன்னாள் சாம்பியனான அர்ஜெண்டினாவை சேர்ந்த போட்ரோவை எதிர்த்து விளையாடினார்.

இந்த போட்டியில் 7-6(5), 4-6, 6-3, 6-2 என்ற செட் கணக்கில் போட்ரோவை வீழ்த்தினார்.  

இந்த வெற்றியின் மூலம் வாவ்ரிங்கா ஜப்பானின் கெய் நிஷிகோரியை எதிர்த்து அரையிறுதி போட்டியில் விளையாடுவார்.

நாளை நடைபெறும் மற்றொரு ஆடவர் அரையிறுதி போட்டியில்  நவாக் ஜோகோவிச் பிரான்சின் கேயெல் மோன்பில்சை எதிர்த்து விளையாடுவார்.