தேர்தல் செய்திகள்

TMC writes to EC over alleged "firing by Central Forces personnel inside a polling booth in Dubrajpur, Birbhum parliamentary constituency". Letter states, "Central forces have created a reign of terror in minds of voters & have also urged the voters to cast their vote for BJP." pic.twitter.com/s81VTTWq8q

— ANI (@ANI) April 29, 2019

சென்னை:

தே.மு.தி.க. தலைவர் விஜயகாந்த் வெளியிட்டுள்ள அறிக்கையில் கூறியிருப்பதாவது:-

தமிழகத்தில் நடைபெற இருக்கின்ற 4 சட்டமன்ற தொகுதி இடைத்தேர்தலில் போட்டியிடுகின்ற அ.திமு.க. வேட்பாளர்களுக்கு தே.மு.தி.க. முழு ஆதரவை அளிக்கிறது.

சூலூர், அரவக்குறிச்சி, திருப்பரங்குன்றம், ஒட்டப்பிடாரம் ஆகிய 4 சட்டமன்ற தொகுதிகளிலும் தே.மு.தி.க. நிர்வாகிகளும், தொண்டர்களும் முழு ஆதரவு தந்து பணியாற்றி, வேட்பாளர்களின் வெற்றிக்கு கூட்டணி தர்மத்தின் அடிப்படையில் அயராது பாடுபட வேண்டும் என கேட்டுக் கொள்கிறேன். #ADMK #DMDK #Vijayakanth

சண்டிகர்:

இந்திய கிரிக்கெட் முன்னாள் வீரர் நவ்ஜோத் சிங் சித்து பஞ்சாப் மாநில காங்கிரஸ் அரசில் மந்திரியாக உள்ளார்.

இந்த நிலையில் சித்து அளித்த பேட்டியில் கூறியதாவது:-

70 ஆண்டுகால காங்கிரஸ் ஆட்சியில் பொருளாதார வளர்ச்சி இல்லை என்று பா.ஜனதா கூறுவதை ஏற்க முடியாது. காங்கிரஸ் ஆட்சியில் தான் இந்திய விமானபடைக்கு அனைத்து தேவைகளும் நிறைவேற்றப்பட்டது.

சோனியா காந்தியிடம் இருந்து தேசப்பற்றை மக்கள் கற்றுக்கொள்ள வேண்டும். ராஜீவ் காந்தி மறைவுக்கு பிறகு காங்கிரசை திறமையாக வழிநடத்தினார். அவரது திறமை காரணமாக தான் மத்தியில் காங்கிரஸ் 10 ஆண்டுகள் மீண்டும் ஆட்சியை பிடித்தது. பா.ஜனதாவுக்கு விசுவாசமாக இருந்ததால் அவர்களை தேசியவாதி என்றும் எதிர்த்தால் தேச விரோதி என்றும் கூறுகிறார்கள்.

பாராளுமன்ற தேர்தலில் ராகுல் காந்தி அமேதி தொகுதியில் தோற்றால் நான் அரசியலை விட்டே விலக தயார். ரபேல் விமான விவகாரத்தால் மோடி பாராளுமன்ற தேர்தலில் தோல்வி அடைவார்

இவ்வாறு அவர் கூறினார். #Sidhu #RahulGandhi

மதுரை:

மதுரை விமான நிலையத்தில் அமைச்சர் ஜெயக்குமார் இன்று நிருபர்களிடம் கூறியதாவது:-

அ.தி.மு.க. அரசுக்கு நெருக்கடி ஏற்பட்டுள்ளதால் தான் 3 தொகுதி எம்.எல்.ஏ.க்களை நீக்கம் செய்ய முயற்சிக்கிறார்கள் என்று கூறுகிறார்கள். அது முற்றிலும் தவறு. அந்த மாதிரியான நிர்பந்தங்கள் எதுவும் இல்லை. இந்த வி‌ஷயத்தில் பேரவை தலைவரின் அதிகாரத்துக்குள் யாரும் செல்ல முடியாது. அது குறித்து நானும் எந்த கருத்தும் கூற முடியாது.

கடந்த காலத்திலும் சரி, தற்போதும் சரி ஜெயலலிதாவின் அரசை எப்படியாவது வீழ்த்திவிட வேண்டும், இந்த கட்சியை அழித்துவிட வேண்டும் என்று தி.மு.க.வும், அதனுடைய ‘பி’ டீம் தினகரனும் கைகோர்த்து பல்வேறு விதமான நடவடிக்கைகளை அரங்கேற்றினார்கள். அது அனைத்தும் அவர்களுக்கு கை கொடுக்கவில்லை. அவர்களுடைய எண்ணம் ஒருபோதும் நிறைவேறாது. வருகிற 23-ந் தேதிக்குப் பின்னர் தி.மு.க. தலைவர் மு.க.ஸ்டாலின் அரசியலில் பூஜ்ஜியமாகி விடுவார்.

ஜூன் 30-ந்தேதி நாங்கள் ஆட்சி அமைத்து விடுவோம் என்று துரை முருகன் கூறுகிறார். திண்டுக்கல் பெரியசாமி 11 எம்.எல்.ஏ.க்கள் தீர்ப்பு வந்ததும் ஆட்சி அமைத்து விடுவோம் என்று கூறுகிறார். இரண்டுமே நடைபெறப்போவதில்லை. தி.மு.க. தலைவர் கருணாநிதி இருக்கும் போதே அ.தி.மு.க.வை ஒன்றும் செய்ய முடியவில்லை. திருப்பரங்குன்றம் இடைத்தேர்தலில் அ.தி.மு.க.வுக்கு வெற்றி வாய்ப்பு பிரகாசமாக உள்ளது. திருப்பரங்குன்றம் அ.தி.மு.க. கோட்டை. அதனை இந்த தேர்தலில் மீண்டும் நிரூபிப்போம். வருகிற 23-ந்தேதி அனைவருக்கும் இது தெரியும்.

மேற்கண்டவாறு அவர் கூறினார்.

பின்னர் திருப்பரங்குன்றம் தொகுதியில் தி.மு.க. - அ.ம.மு.க. இடையே தான் போட்டி என தங்க தமிழ்செல்வன் கூறியுள்ளாரே என நிருபர்கள் கேட்ட போது ஆட்டத்தில் இல்லாதவர்களை பற்றி ஏன் கவலைப்பட வேண்டும்? பந்தயத்தில் இல்லாதவர்கள் எதைப்பற்றி வேண்டுமானாலும் பேசுவார்கள். உண்மையில் அ.தி.மு.க.வுக்கும், தி.மு.க.வுக்கும் தான் போட்டி என்றார். #LSPolls #MinisterJayakumar

புதுடெல்லி:

தேர்தலில் ஓட்டுப் பதிவு எந்திரத்தில் ஒட்டப்படும் பேப்பரில் கட்சி சின்னம் இருக்கும். கட்சிகளின் பெயர்கள் இருக்காது.

இந்த நிலையில் வாக்குப் பதிவு எந்திரத்தில் பா.ஜனதாவின் சின்னமான தாமரைக்கு கீழே பி.ஜே.பி. என்று ஆங்கிலத்தில் எழுத்து உள்ளது. இது சட்ட விரோதம் ஆகும் என்று எதிர்க்கட்சிகள் குற்றம் சாட்டியுள்ளன. மேற்கு வங்காள மாநிலம் பார்ரக்போர் தொகுதியில் வாக்குப்பதிவு எந்திரத்தில் பி.ஜே.பி. என்ற பெயர் உள்ளது என்று தெரிவித்தனர்.

இதுதொடர்பாக எதிர்க்கட்சிகள் டெல்லியில் உள்ள தலைமை தேர்தல் ஆணையத்தில் புகார் மனு கொடுத்தனர்.

காங்கிரஸ் தலைவர்கள் அபிஷேக் மனு சிங்வி, அகமது பட்டேல், திரிணாமுல் காங்கிரஸ் தலைவர்கள் தினேஷ் திரிவேதி, தீரக் ஆகியோர் தலைமை தேர்தல் ஆணையர் சுனில் அரோராவை சந்தித்து புகார் மனு கொடுத்தனர். அப்போது பி.ஜே.பி. என்ற எழுத்து நீக்கப்பட வேண்டும். அல்லது அனைத்து கட்சிகளின் பெயர்களும் சேர்க்கப்பட வேண்டும் என்று கோரிக்கை விடுத்தனர்.

பின்னர் அசோக் மனு சிங்வி கூறியதாவது:-

வாக்குப்பதிவு எந்திரத்தில் பி.ஜே.பி. என்கிற எழுத்து தெளிவாக தெரிகிறது. எந்த கட்சியும் சின்னம் மற்றும் பெயரை ஒரே இடத்தில் பயன்படுத்தக் கூடாது என்றார்.

இதுகுறித்து தேர்தல் அதிகாரி ஒருவர் கூறும் போது, “கடந்த 2013-ம் ஆண்டு தேர்தல் ஆணையத்தை அணுகிய பா.ஜனதா தாமரை சின்னத்தின் வெளிப்புறம் மிகவும் மெல்லிய கோடால் உள்ளது. அது அடர்த்தியாக இருக்க வேண்டும் என்று கோரிக்கை வைத்தனர். அதன்படி மாற்றம் செய்யப்பட்டது. தாமரை சின்னத்தில் நீரின் பிரதிபலிப்பும் அடர்த்தியாக்கப்பட்டது. அந்த பிரதிபலிப்புதான் எப் மற்றும் பி போன்ற எழுத்துக்கள் போல தெரிகின்றன. அது பி.ஜே.பி. போன்ற எழுத்து போல் தெரியவில்லை” என்றார். #BJP #Loksabhaelections2019

மும்பை:

பாராளுமன்ற தேர்தல் 7 கட்டங்களாக நடத்தப்படுகிறது. இதுவரை 3 கட்ட வாக்குப்பதிவு முடிந்து விட்டது. 4-வது கட்ட ஓட்டுப் பதிவு நாளை நடக்கிறது.

இந்த தேர்தலில் பா.ஜனதா, காங்கிரஸ் ஆகிய கட்சிகளுக்கு மெஜாரிட்டி கிடைக்காது என்று கருத்து பரவலாக பரவி வருகிறது. பா.ஜனதா அதிக இடங்களை கைப்பற்றினாலும் பெரும்பான்மை கிடைக்காது என்று ஏற்கனவே வெளியான கருத்து கணிப்புகள் தெரிவித்தன.

தேர்தல் முடிவின்போது மாநில கட்சிகளின் பங்கேற்பு முக்கியத்துவம் பெற்று இருக்கும். மாயாவதி, அகிலேஷ் யாதவ், மம்தா பானர்ஜி, சந்திரசேகரராவ், ஜெகன்மோகன் ரெட்டி ஆகியோர் முக்கிய பங்கு வகிப்பார்கள் என்று கருதப்படுகிறது.

இந்த நிலையில் மம்தா பானர்ஜி, மாயாவதி, சந்திரபாபு நாயுடு ஆகிய 3 பேர்தான் பிரதமர் பதவிக்கான போட்டியில் இருப்பதாக தேசியவாத காங்கிரஸ் தலைவரும், முன்னாள் மத்திய மந்திரி யுமான சரத்பவார் தெரிவித்து உள்ளார்.

மராட்டியத்தில் காங்கிரசுடன் கூட்டணி அமைத்துள்ள அவர் இதுதொடர்பாக கூறியதாவது:-

பாராளுமன்ற தேர்தல் முடிவில் பா.ஜனதா தலைமையிலான தேசிய ஜனநாயக கூட்டணிக்கு போதுமான மெஜாரிட்டி கிடைக்காது. கடந்த முறையை விட பா.ஜனதா கூட்டணிக்கு 100 இடங்கள் குறைவாக கிடைக்கும்.

ஆந்திர முதல்-மந்திரி சந்திரபாபு நாயுடு, மேற்கு வங்காள முதல்-மந்திரி மம்தா பானர்ஜி, பகுஜன் சமாஜ் கட்சி தலைவர் மாயாவதி ஆகியோர்தான் பிரதமர் பதவிக்கான போட்டியில் உள்ளனர். இந்த 3 பேருக்குத்தான் பிரதமர் ஆக அதிக தகுதி இருக்கிறது.

இந்த 3 பேருக்கும் மாநிலங்களை ஆண்ட அனுபவம் இருப்பதால் நாட்டை நல்ல வழியில் கொண்டு செல்ல முடியும். மோடி பிரதமர் ஆவதற்கு முன்பு குஜராத் முதல்- மந்திரியாக இருந்தார். இதனால் மாநிலத்தை ஆட்சி செய்தவர்கள் பிரதமருக்கான போட்டிக்கு தேர்வு செய்யப்படுவார்கள் என்பது எனது கருத்து.

காங்கிரஸ் தலைவர் ராகுல் காந்தியை நான் குறிப்பிடாமல் விட்டதற்கு காரணம் இருக்கிறது. பிரதமர் பதவிக்கான போட்டியில் நான் இல்லை என்றும், அதற்கு ஆசைப்பட வில்லை என்றும் அவர் பலமுறை தெரிவித்து இருக்கிறார்.

இதேபோல நானும் பிரதமர் பதவிக்கான போட்டியில் இல்லை. எங்களது தேசியவாத காங்கிரஸ் கட்சி 23 தொகுதிகளில் போட்டியிடுகிறது. 22 தொகுதிகளில் நாங்கள் வெற்றி பெற்றாலும் ஆட்சி அமைக்க முடியாது, இதனால் பிரதமர் பதவி பற்றி நான் சிந்திக்கவில்லை.

இவ்வாறு சரத்பவார் கூறியுள்ளார். #SharadPawar #BJP #ParliamentElection