என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "அதிமுக"
- தேனி பாராளுமன்ற தொகுதியில் மட்டுமே ஒ.பன்னீர்செல்வத்தின் மகன் ரவீந்திரநாத் வெற்றி பெற்றார்.
- அனைத்து தொகுதிகளிலும் முக்கிய பிரச்சனைகளை கையில் எடுத்து அதனை மக்கள் மத்தியில் கொண்டு செல்ல வேண்டும் என்று எடப்பாடி பழனிசாமி வலியுறுத்தி உள்ளார்.
அடுத்த ஆண்டு நடைபெற உள்ள பாராளுமன்றத் தேர்தலுக்கு இன்னும் சில மாதங்களே இருக்கும் நிலையில் அனைத்துக் கட்சிகளும் தேர்தலை சந்திக்க ஆயத்தமாகி வருகின்றன.
தமிழகத்தில் தி.மு.க. தலைமையில் அமைந்துள்ள கூட்டணி வலுவாக உள்ளது. அ.தி.மு.க. கூட்டணியிலிருந்து பாரதிய ஜனதா கட்சி வெளியேற்றப்பட்டுள்ள நிலையில் மற்ற கட்சிகளை கூட்டணியில் சேர்த்துக் கொண்டு தேர்தல் களம் காண அ.தி.மு.க. முடிவு செய்துள்ளது.
தி.மு.க. கூட்டணிக்கு எதிராக மெகா கூட்டணியை உருவாக்கினால் மட்டுமே பாராளுமன்ற தேர்தலில் வெற்றி பெற முடியும் என்பதால் சிறுபான்மை கட்சிகள் மற்றும் தி.மு.க.வுக்கு எதிராக உள்ள கட்சிகள் ஆகியவற்றை ஒருங்கிணைத்து மெகா கூட்டணியை உருவாக்க எடப்பாடி பழனிசாமி காய் நகர்த்தி வருகிறார்.
கடந்த பாராளுமன்ற தேர்தலில் அ.தி.மு.க. கூட்டணியில் பாரதிய ஜனதா கட்சி இடம் பெற்றிருந்தது. பா.ம.க., தே.மு.தி.க. உள்ளிட்ட கட்சிகளும் கூட்டணியில் இடம் பெற்றிருந்தன.
இப்படி தி.மு.க. கூட்டணிக்கு எதிராக பல கட்சிகள் அ.தி.மு.க. கூட்டணியில் இருந்த போதிலும் கடந்த பாராளுமன்ற தேர்தலில் அ.தி.மு.க. கூட்டணிக்கு வெற்றியை கிடைக்கவில்லை.
தேனி பாராளுமன்ற தொகுதியில் மட்டுமே ஒ.பன்னீர்செல்வத்தின் மகன் ரவீந்திரநாத் வெற்றி பெற்றார். மற்ற அனைத்து தொகுதிகளிலும் அ.தி. மு.க. கூட்டணி தோல்வியை தழுவி இருந்தது.
இந்த நிலையில் தேசிய அளவில் பாரதிய ஜனதா கூட்டணியிலிருந்து வெளியேறி இருக்கும் அ.தி.மு.க. பா.ஜனதாவுக்கு எதிரான மன நிலையில் உள்ள கட்சிகளை ஒருங்கிணைத்து தமிழகத்தில் புதிய கூட்டணியை உருவாக்கும் முயற்சியிலும் இறங்கி உள்ளது.
தற்போதைய சூழலில் அ.தி.மு.க. அணியில் பெரிய கட்சிகள் எதுவும் இல்லாத நிலையில் தி.மு.க. கூட்டணியை வீழ்த்துவது என்பது அந்த கட்சிக்கு பெரிய சவாலாகவே இருக்கும் என்று அரசியல் நோக்கர்கள் கணித்துள்ளனர்.
சென்னையை பொறுத்தவரையில் தென்சென்னை, மத்திய சென்னை, வடசென்னை என மூன்று பாராளுமன்ற தொகுதிகளிலும் கடந்த தேர்தலில் தி.மு.க.வே வெற்றி பெற்றது.
இந்த தொகுதிகளில் தென்சென்னை பாராளுமன்ற தொகுதி மட்டுமே தி.மு.க.வுக்கு அ.தி.மு.க. கடும் போட்டியை ஏற்படுத்தியிருக்கிறது என்று கூறலாம்.
தென்சென்னை பாராளுமன்ற தொகுதியில் தி.மு.க. கூட்டணி 43 சதவீத வாக்குகளை பெற்ற நிலையில் அ.தி.மு.க. வுக்கு 35 சதவீத ஓட்டுகள் கிடைத்துள்ளன. அதே நேரத்தில் வட சென்னை, மத்திய சென்னை தொகுதிகளை ஒப்பிட்டு பார்த்தால் வாக்கு வித்தியாசம் பெரிய அளவில் இருந்துள்ளது.
மத்திய சென்னை தொகுதியில் தி.மு.க. கூட்டணிக்கு 56 சதவீத வாக்குகள் கிடைத்த நிலையில் அ.தி.மு.க. கூட்டணிக்கு 27 சதவீத வாக்குகள் மட்டுமே கிடைத்திருந்தன.
இதே போன்று வடசென்னை தொகுதியில் 53 சதவீத வாக்குகளை தி.மு.க. கூட்டணி பெற்றிருந்த நிலையில் அ.தி.மு.க. கூட்டணிக்கோ 25 சதவீத வாக்குகள் மட்டுமே கிடைத்திருந்தது.
இப்படி கூட்டணி கட்சிகள் இருந்த நிலையிலும் அ.தி.மு.க. கூட்டணிக்கு குறைந்த அளவிலேயே கடந்த தேர்தலில் வாக்குகள் கிடைத்துள்ளன. இதற்கு பாரதிய ஜனதா கட்சி கூட்டணியில் இருந்ததே முக்கிய காரணம் என்றும் தற்போது பாரதிய ஜனதா கட்சி கூட்டணியில் இல்லாததால் நிச்சயம் தி.மு.க. கூட்டணிக்கு கடும் போட்டியை ஏற்படுத்தும் விதத்தில் பாராளுமன்ற தேர்தலில் செயல்படுவோம் என்றும் அந்த கட்சியின் மூத்த நிர்வாகி ஒருவர் தெரிவித்தார்.
இது தொடர்பாக அவர் கூறும் போது, "சென்னையில் 3 பாராளுமன்ற தேர்தலிலும் வெற்றி பெற வேண்டும் என்கிற வகையில் வியூகம் அமைத்து எடப்பாடி பழனிசாமி செயல்பட்டு வருகிறார். இதற்காக சென்னையில் உள்ள அ.தி.மு.க. நிர்வாகிகளுக்கு அதிரடி உத்தரவுகளும் பிறப்பிக்கப்பட்டுள்ளன.
மூன்று பாராளுமன்ற தொகுதிகளிலும் என்னென்ன பிரச்சனைகள் உள்ளன என்பதை கையில் எடுத்து அதனை தி.மு.க. அரசுக்கு எதிரான பிரசாரமாக மக்கள் மத்தியில் கொண்டு செல்ல வேண்டும் என்று அவர் உத்தரவிட்டுள்ளார்.
இதுபோன்ற நடவடிக்கைகள் மூலமாக மக்கள் மத்தியில் மீண்டும் மதிப்பை பெற்று பாராளுமன்ற தேர்தலில் வெற்றியை ஈட்ட முடியும் என்றும் எடப்பாடி பழனிசாமி கட்சியினருக்கு கட்டளையிட்டுள்ளார்.
அதே நேரத்தில் சிறுபான்மையினரின் ஓட்டுகளை கவரும் வகையில் அ.தி.மு.க.வின் செயல்பாடுகள் இருக்க வேண்டும் என்றும் அவர் அறிவுறுத்தி உள்ளார். மூன்று தொகுதிகளிலும் சிறுபான்மையின மக்கள் வசிக்கும் பகுதிகளில் அவர்களுக்கு என்னென்ன பிரச்சனைகள் உள்ளன என்பதை கண்டறிந்து அதனை தீர்க்கும் முயற்சிகளிலும் ஈடுபட வேண்டும் என்றும் அப்போதுதான் அவர்கள் மத்தியில் நல்ல பெயரை எடுத்து வெற்றி பெற முடியும் என்றும் எடப்பாடி பழனிசாமி அறிவுறுத்தி இருக்கிறார்.
இப்படி சென்னையில் உள்ள 3 பாராளுமன்ற தொகுதிகளையும் குறிவைத்து அ.தி.மு.க. காய் நகர்த்தி வருகிறது. இது எந்த அளவுக்கு தேர்தல் நேரத்தில் எடப்பாடி பழனிசாமிக்கு கை கொடுக்கப் போகிறது என்று தெரியவில்லை.
ஏனென்றால் தற்போதைய சூழலில் அ.தி.மு.க. கூட்டணியில் எந்த கட்சிகளுமே இல்லாத நிலையே உள்ளது. ஆனால் தேர்தல் நேரத்தில் நிச்சயம் நிலைமை மாறும் என்றும் பெரிய கட்சிகள் அ.தி.மு.க. கூட்டணியில் இடம் பெற்றிருக்கும் என்றும் அந்த கட்சியின் மூத்த நிர்வாகிகள் தெரிவித்துள்ளனர்.
பாராளுமன்ற தேர்தலை எதிர்கொள்ள எடப்பாடி பழனிசாமி இது போன்று தமிழகம் முழுவதுமே யூகம் வைத்து வருகிறார். அனைத்து தொகுதிகளிலும் இதுபோன்று முக்கிய பிரச்சனைகளை கையில் எடுத்து அதனை மக்கள் மத்தியில் கொண்டு செல்ல வேண்டும் என்றும் எடப்பாடி பழனிசாமி வலியுறுத்தி உள்ளார்.
இது அ.தி.மு.க.வின் வெற்றிக்கு எந்த அளவுக்கு கை கொடுக்கப் போகிறது என்பதை பொறுத்திருந்துதான் பார்க்க வேண்டும்.
அ.தி.மு.க. ஒருங்கிணைப்பாளர் ஓ.பன்னீர்செல்வம் வெளியிட்டுள்ள அறிக்கையில் கூறியிருப்பதாவது:-
தி.மு.க. அரசு, புதிதாக பல பொருட்களை 1987-ம் ஆண்டைய தமிழ்நாடு வேளாண் விளை பொருட்கள் விற்பனை (முறைப்படுத்துதல்) சட்டத்தின் முதல் அட்டவணையில் சேர்த்து, அதனை 25-ந்தேதி நாளிட்ட அரசிதழ் எண் 21-ல் வெளியிட்டு இருப்பதாகவும், இந்த அறிவிக்கையினுடைய இணைப்பின்படி, எல்லா வடிவ தானியங்களான சோளம், கம்பு, ராகி, தினை, குதிரைவாலி, வரகு, சாமை; எல்லா வடிவ பயறு வகைகளான உளுந்து, பச்சைப் பயறு, கொண்டைக்கடலை, பட்டாணி, மொட்சை, காராமணி, கொள்ளு; எண்ணெய் வித்துக்கள்; தேங்காய் நார் போன்ற நார்ப் பொருட்கள்; கிழங்கு வகைகள்; சுவையூட்டும் பொருட்கள் மற்றும் நறுமணப் பொருட்கள்; அனைத்து வகை கரும்பு வெல்லம், பனை வெல்லம், கச்சா ரப்பர், பூண்டு, மிளகாய் வத்தல் உள்ளிட்ட பல பொருட்களுக்கு ஒரு விழுக்காடு சந்தை வரி தற்போது விதிக்கப்பட்டுள்ளதாகவும், இது தவிர ஒழுங்குமுறை விற்பனைக் கூடங்களுக்கு வெளியே விற்பனை செய்யப்படும் விளை பொருள்களுக்கும் ஒரு விழுக்காடு சந்தை வரி விதிக்கப்பட்டு இருப்பதாகவும் வியாபாரிகளும், வணிகச் சங்கங்களும் தெரிவித்துள்ளன.
மேற்படி பொருட்களுக்கு ஒரு விழுக்காடு சந்தை வரி விதிக்கப்பட்டிருப்பதன் மூலம் முதலில் பாதிக்கப்படுபவர்கள் பொருட்களை விற்பனை செய்யும் விவசாயிகளும், பொருட்களை வாங்கும் வியாபாரிகளும்தான் என்றும், இதன் காரணமாக பொருட்களின் விலை உயர்ந்து பொதுமக்களும் பாதிக்கப்படுவார்கள் என்றும், உளுந்து போன்ற பயறு வகைகள் வெளிநாட்டில் இருந்தும், வெளி மாநிலங்களில் இருந்தும் இறக்குமதி செய்யப்பட்டு தமிழகத்தில் உள்ள வியாபாரிகளால் வியாபாரம் செய்யப்படுகிறது என்றும், இதற்கும் வரி கட்ட வேண்டிய சூழ்நிலை உருவாகியுள்ளது என்றும், ஒழுங்குமுறை விற்பனைக் கூடங்களுக்கு வெளியே நடக்கும் வியாபாரத்திற்கு பிற மாநிலங்களில் சந்தை வரி விதிக்கப்படுவதில்லை என்றும், தமிழ்நாட்டில் இருந்து வெளியே செல்லும் அனைத்துப் பொருட்களுக்கும் சந்தை வரி கட்ட வேண்டும் என்று சொல்வது எவ்விதத்திலும் நியாயமில்லை என்றும், ஏற்கெனவே உள்ள பொருட்களுக்கு மட்டும் சந்தை வரி வசூலிக்கப்பட வேண்டும் என்றும், புதிதாக எந்தப் பொருளுக்கும் சந்தை வரி விதிக்கக்கூடாது என்றும், ஒழுங்குமுறை விற்பனைக் கூடங்களுக்கு வெளியே நடக்கும் வியாபாரத்திற்கு சந்தை வரி விதிக்கக்கூடாது என்றும் வியாபாரிகள் தெரிவிக்கின்றனர்.
அரசின் இதுபோன்ற நடவடிக்கை வியாபாரிகள் மற்றும் விவசாயிகளின் வருமானத்தைப் பெருக்க வழி வகுக்காது. மாறாக குறைக்க வழிவகுக்கும். தி.மு.க. அரசின் இந்த நடவடிக்கை வியாபாரிகள், விவசாயிகள், பொதுமக்கள் என அனைவரையும் பாதிக்கும் செயலாகும். தி.மு.க. அரசின் வணிக விரோத கொள்கைக்கு அ.தி.மு.க. சார்பில் கடும் கண்டனத்தைத் தெரிவித்துக் கொள்கிறேன்.
எனவே, முதல்-அமைச்சர் மு.க.ஸ்டாலின் இதில் உடனடியாக தலையிட்டு, இந்த கோரிக்கையில் உள்ள நியாயத்தினைக் கருத்தில் கொண்டு, புதிதாக எந்த விளை பொருளையும் ஒரு விழுக்காடு சந்தை நுழைவு வரிக்கு உட்படுத்தாமல் இருக்கவும், பிற மாநிலங்களில் உள்ளது போன்று ஒழுங்கு முறை விற்பனைக் கூடங்களுக்கு வெளியே நடக்கும் வியாபாரத்திற்கு ஒரு விழுக்காடு சந்தை வரி விதிக்காமல் இருக்கவும் நடவடிக்கை எடுக்க வேண்டும்.
இவ்வாறு அவர் கூறியுள்ளார்.
இந்தியாவில் உள்ள அங்கீகரிக்கப்பட்ட அனைத்து மாநில அரசியல் கட்சிகளும் ஒவ்வொரு ஆண்டும் வரவு-செலவு கணக்கை தேர்தல் ஆணையத்திடம் தாக்கல் செய்வது வழக்கம்.
இதன்படி 2020-2021 ஆண்டிற்கான வரவு-செலவு கணக்கினை கட்சிகள் சமர்பித்தன.
இதில் 31 பெரிய கட்சிகளின் வரவு-செலவு கணக்குகளை ஆய்வு செய்த ஜனநாயக சீர்திருத்தங்களுக்கான சங்கம் இது தொடர்பாக அறிக்கை ஒன்றினை வெளியிட்டுள்ளது.
இதில் தமிழக முதல்-அமைச்சர் மு.க.ஸ்டாலின் தலைமையிலான தி.மு.க 2020-2021-ம் ஆண்டில் மொத்தம் 149.95 கோடி நன்கொடை பெற்று மாநில கட்சிகளில் முதலிடத்தை பெற்று உள்ளது. இது நாடு முழுவதிலும் உள்ள மாநில கட்சிகளின் மொத்த வருவாயில் 28 சதவீதம் ஆகும்.
தமிழகத்தில் தி.மு.க. ஆட்சிக்கு வருவதற்கு முன்பு 2019-2020-ல் அக்கட்சியின் வருமானம் 64.90 கோடியாக இருந்தது. இது தற்போது 149.95 கோடி ரூபாயாக அதிகரித்து உள்ளது.
இது கடந்த ஆண்டை விட 131 சதவீதம் கூடுதலாகும். ஆனால் இந்த ஆண்டு வருமானத்தை விட தி.மு.க. அதிக அளவு செலவு செய்துள்ளது.
தி.மு.க. மொத்தம் ரூ.218.49 கோடி செலவு செய்துள்ளது. தெலுங்கு தேசம் கட்சி ரூ.54.70 கோடியும், அ.தி.மு.க. ரூ.42.36 கோடியும் செலவிட்டு உள்ளது.
தி.மு.க.வுக்கு அடுத்த படியாக ஜெகன்மோகன் ரெட்டி தலைமையிலான ஒய்.எஸ்.ஆர். காங்கிரஸ் கட்சி 108 கோடி ரூபாய் வருமானம் ஈட்டி 2-வது இடத்தையும் ஒடிசாவில் உள்ள பிஜு ஜனதாதளம் ரூ.73 கோடி வருமானம் பெற்று 3-வது இடத்தையும் பெற்று உள்ளது.
ஒய்.எஸ்.ஆர். காங்கிரஸ் கட்சிக்கு 20 சதவீதமும் பிஜூ ஜனதாதளம் கட்சிக்கு 13 சதவீதமும் வருமானம் அதிகரித்து உள்ளது.
அ.தி.மு.கவுக்கு வருமானம் குறைந்துள்ளது. 2019-2020-ல் 89 கோடியாக இருந்த வருமானம் தற்போது ரூ.34 கோடியாக குறைந்துள்ளது.
ஆனால் பா.ம.க. வருமானம் 55.60 லட்சம் ரூபாயில் இருந்து 1.16 கோடியாகவும், ம.தி.மு.க. வருமானம் 1.5 கோடியில் இருந்து 2.86 கோடியாகவும் அதிகரித்து உள்ளது.
இந்த வருமானம் அனைத்தும் நன்கொடைகள் மற்றும் தேர்தல் பத்திரம் மூலம் பெறப்பட்டு உள்ளன என்பது குறிப்பிடத்தக்கது.
பிரதமர் மோடி சென்னையில் நேற்று நடந்த அரசு விழாவில் ரூ.31 ஆயிரத்து 500 கோடி மதிப்பிலான திட்டப்பணிகளை தொடங்கி வைத்தார்.
நிறைவேற்றப்பட்ட 5 திட்டங்களை நாட்டுக்கு அர்ப்பணித்தும், புதிதாக 6 திட்டங்களுக்கு அடிக்கல் நாட்டியும் பேசினார்.
நேரு விளையாட்டு அரங்கில் அவர் பங்கேற்ற நிகழ்ச்சி இரவு 7.30 மணிக்கு முடிந்த பிறகு பிரதமர் மோடி காரில் சென்னை விமான நிலையம் சென்றார். விமான நிலையத்தில் மோடியை சந்திக்க 30 பேருக்கு அனுமதி வழங்கப்பட்டு இருந்தது.
அவர்களை பிரதமர் மோடி சந்தித்தார். முதல்-அமைச்சர் மு.க.ஸ்டாலினும் சந்தித்து நினைவுப்பரிசு வழங்கி வழி அனுப்பினார்.
அதன்பிறகு அங்குள்ள முக்கிய பிரமுகர்கள் அறையில் அ.தி.மு.க. தலைவர்களை பிரதமர் மோடி சந்தித்து பேசினார். இந்த சந்திப்பில் அ.தி.மு.க. ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி, முன்னாள் அமைச்சர்கள் டி.ஜெயக்குமார், தங்கமணி, வேலுமணி ஆகிய 5 பேரும் கலந்து கொண்டனர்.
அ.தி.மு.க. தலைமையிலான கூட்டணியில் பா.ஜனதா இடம்பெற்று இருப்பதால் அரசியல் ரீதியாகவே இந்த சந்திப்பின் போது பிரதமர் மோடியும், அ.தி.மு.க. மூத்த தலைவர்களும் ஆலோசித்ததாக தெரியவந்துள்ளது.
கடந்த பாராளுமன்ற தேர்தலில் அ.தி.மு.க. ஒரே ஒரு தொகுதியில் மட்டும் வென்றது. பா.ஜனதா ஒரு இடத்தில் கூட வெற்றிபெற முடியவில்லை. இதற்கு முக்கிய காரணம் கூட்டணியின் பலவீனம் என்பதை இந்த சந்திப்பின் போது பிரதமர் மோடி சுட்டிக்காட்டி இருக்கிறார்.
2024-ம் ஆண்டு வரப்போகும் பாராளுமன்ற தேர்தலை மனதில் கொண்டு இப்போதே பணியாற்ற வேண்டும். இந்த சூழ்நிலையில் அ.தி.மு.க. தலைவர்களிடையே ஒருங்கிணைப்பு இல்லாமல் இருப்பது நல்லதல்ல என்பதை சுட்டிக்காட்டிய பிரதமர் மோடி ‘உங்களுக்குள் இருக்கும் மனக்குறைகளை மனம் விட்டு பேசி தீருங்கள். இருவரும் இணைந்து செயல்படுங்கள். அதுதான் அ.தி.மு.க. எதிர்காலத்துக்கு நல்லது’ என்று அறிவுறுத்தி இருக்கிறார்.
தலைமை மீது நம்பிக்கை வராவிட்டால் தொண்டர்கள் சோர்ந்து போவார்கள். மக்களும் நம்பிக்கை இழந்து விடுவார்கள். அதற்கு இடம் கொடுத்துவிடாதீர்கள். கட்சியை பலப்படுத்துவதில் அதிக கவனம் செலுத்துங்கள் என்று பிரதமர் மோடி கேட்டுக்கொண்டுள்ளார்.
இந்த ஆலோசனையின் போது சசிகலா பிரச்சினையும் எழுப்பப்பட்டுள்ளது. அதற்கு மோடி எந்த கருத்தும் தெரிவிக்கவில்லை என்று கூறப்படுகிறது.
சுமார் 10 நிமிடங்களுக்கும் மேலாக இந்த சந்திப்பு நடந்தது. அந்த 10 நிமிடமும் அ.தி.மு.க. தலைவர்களை சமரசம் செய்வதில் பிரதமர் மோடி அதிக ஆர்வம் காட்டியதாக தெரிகிறது. பிறகு பிரதமர் மோடியிடம் அ.தி.மு.க. தலைவர்கள் விடைபெற்று சென்றார்கள்.
ஏற்கனவே அ.தி.மு.க.வில் ஓ.பி.எஸ்.-ஈ.பி.எஸ். இடையே பனிப்போர் நடக்கிறது. கட்சிக்கு ஒற்றை தலைமை வேண்டும் என்ற கோஷமும் வலுத்து வருகிறது. இந்த சூழ்நிலையில் தான் பிரதமர் மோடி சமரச முயற்சியில் ஈடுபட்டதாக கூறப்படுகிறது.
முன்னதாக விழாவுக்கு வந்த போது வரவேற்க சென்ற எடப்பாடி பழனிசாமியிடம் பார்த்து ரொம்ப நாள் ஆச்சே... எப்படி இருக்கீங்க என்று உரிமையுடன் பிரதமர் மோடி நலம் விசாரித்தார்.
பின்னர் நிகழ்ச்சி முடிந்து நடைபெற்ற இந்த ஆலோசனை கூட்டத்திலும் உரிமையுடன் அ.தி.மு.க. தலைவர்களுடன் நட்பு பாராட்டியதை அ.தி.மு.க. தலைவர்கள் மகிழ்ச்சியுடனும், நெகிழ்ச்சியுடனும் குறிப்பிட்டனர்.
சென்னை:
பாராளுமன்ற மேல்சபைக்கு தமிழகத்தில்இருந்து 6 எம்.பி.க்களை தேர்வு செய்ய ஜூன் 10-ந் தேதி தேர்தல் நடைபெற உள்ளது.
இதற்கான வேட்பு மனு தாக்கல் நேற்று முன்தினம் தொடங்கியது. 31-ந் தேதி வரை மனுதாக்கல் செய்ய அவகாசம் உள்ளது.
தமிழக சட்டசபையில்உள்ள எம்.எல்.ஏ.க்கள் அடிப்படையில் 4 எம்.பி.க்களை தி.மு.க. கூட்டணி சார்பிலும், 2 எம்.பி.க்களை அ.தி.மு.க. சார்பிலும் தேர்ந்தெடுக்க முடியும். தி.மு.க. சார்பில் கல்யாண சுந்தரம், ராஜேஸ்குமார், கிரிராஜன் ஆகிய 3 பேர் வேட்பாளராக அறிவிக்கப்பட்டு உள்ளனர். ஒரு இடத்தை தோழமை கட்சியான காங்கிரசுக்கு தி.மு.க. விட்டுக்கொடுத்துள்ளது.
அ.தி.மு.க. சார்பில் 2 வேட்பாளர்களை தேர்வு செய்ய கடந்த ஒரு மாதமாக தீவிர ஆலோசனை நடந்தது. மேல்சபை எம்.பி. பதவி கேட்டு அ.தி.மு.க. நிர்வாகிகள் 302 பேர் கடிதம் கொடுத்து உள்ளனர்.
அ.தி.மு.க. மூத்த தலைவர்களும், மேல்சபை எம்.பி.க்கு குறி வைத்து ஆதரவு திரட்டினார்கள். இதனால் 2 வேட்பாளர்களை தேர்வு செய்வதில் அ.தி.மு.க.வில் கடும் இழுபறி ஏற்பட்டது.
அ.தி.மு.க. ஒருங்கிணைப்பாளர் ஓ.பன்னீர்செல்வம் சார்பில் ஒருவரும், இணை ஒருங்கிணைப்பாளர் எடப்பாடி பழனிசாமி சார்பில் ஒருவரும் தேர்வு செய்யப்படுவார்கள் என்று முதலில் தகவல் வெளியானது. ஆனால் அதில் ஒருமித்த கருத்து ஏற்படவில்லை.
எடப்பாடி பழனிசாமி பரிந்துரைத்த பெயர்களை ஓ.பன்னீர்செல்வம் தரப்பினர் ஏற்கவில்லை. தென் மாவட்டத்தை சேர்ந்த ஒருவருக்கு எம்.பி. பதவி கொடுக்க வேண்டும் என்பதில் ஓ.பன்னீர்செல்வம் பிடிவாதமாகவும், உறுதியாகவும் இருந்தார். இதனால் எடப்பாடி பழனிசாமியும் தனது தேர்வில் மாற்றம் செய்ய நேரிட்டது.
முதலில் அவர் முன்னாள் அமைச்சர் செம்மலையை தேர்வு செய்ய இருப்பதாக தகவல்கள் வெளியானது. பின்னர் சி.வி.சண்முகத்தை தேர்வு செய்ய எடப்பாடி பழனிசாமி சம்மதம் தெரிவித்ததாக கூறப்பட்டது. சி.வி. சண்முகத்தை ஏற்றுக்கொண்ட ஓ.பன்னீர்செல்வம் தரப்பினர் தென் மாவட்டத்தில் இருந்து யாரை தேர்வு செய்ய வேண்டும் என்பதில் தான் கடந்த சில தினங்களாக ஆய்வில் ஈடுபட்டனர்.
தென் மாவட்டத்தில் இருந்து தேர்வாக பல மூத்த தலைவர்களிடம் கடும் போட்டி நிலவியது. எடப்பாடி பழனிசாமி தரப்பில் இருந்து மதுரை மண்டல தகவல் தொழில்நுட்ப செயலாளர் ராஜ் சத்யனுக்கு வாய்ப்பு கொடுக்கலாம் என்று தெரிவிக்கப்பட்டது. ஆனால் ஓ.பன்னீர்செல்வமும், அவரது ஆதரவாளர்களும் அவரை ஏற்கவில்லை. ஓ.பன்னீர்செல்வம் தரப்பில் தேனி மாவட்ட செயலாளர் சையதுகான் பெயர் முதலில் தெரிவிக்கப்பட்டது. ஆனால் அதை எடப்பாடி பழனிசாமி திட்டவட்டமாக ஏற்க மறுத்து விட்டார்.
இதையடுத்து தென் மாவட்டத்தில் இருந்து யாரை தேர்வு செய்ய வேண்டும் என்பதில் கடும் இழுபறி ஏற்பட்டது. இதுதொடர்பாக ஆலோசிக்க நேற்று ஓ.பன்னீர்செல்வம் வீட்டுக்கு அ.தி.மு.க. துணை ஒருங்கிணைப்பாளர் கே.பி.முனுசாமியும், வைத்திலிங்கமும் சென்றனர். அவர்கள் ஓ.பன்னீர்செல்வத்திடம் பல்வேறு கோணங்களில் ஆலோசனை நடத்தினார்கள்.
சுமார் 3 மணி நேரம் இந்த ஆலோசனை நீடித்தது. நீண்ட இந்த ஆலோசனைக்கு பிறகு ராமநாதபுரம் மாவட்டத்தை சேர்ந்த முதுகுளத்தூர் ஒன்றிய செயலாளர் தர்மரை எம்.பி.யாக தேர்வு செய்ய ஒருமித்த கருத்து ஏற்பட்டது. அதன்பிறகுதான் அ.தி.மு.க. வேட்பாளர்களாக சி.வி.சண்முகமும், தர்மரும் தேர்வு செய்யப்பட்டதாக ஓ.பன்னீர்செல்வம், எடப்பாடி பழனிசாமி தரப்பில் இருந்து அதிகாரப்பூர்வ தகவல் நேற்று இரவு வெளியானது.
சென்னை தி.நகரில் இன்று திருமண விழா ஒன்றில் பங்கேற்ற சசிகலா நிருபர்களுக்கு பேட்டி அளித்தார். அப்போது அவர் கூறியதாவது:-
கேள்வி:- அ.தி.மு.க. விரைவில் ஒன்றிணையும், ஆட்சிக்கு வரும் என்று கூறி இருந்தீர்கள்? ஆனால் இதுவரை அ.தி.மு.க. தலைவர்கள் யாரும் உங்களை சந்திக்கவில்லை. எந்த அடிப்படையில் அது போன்று தெரிவித்தீர்கள்?
பதில்:- அது தொண்டர்கள் கையில்தான் உள்ளது. தொண்டர்கள் என்ன நினைக்கிறார்களோ அதுதான் வெற்றி பெறும். அந்த அடிப்படையில் தான் நான் கூறினேன்.
கேள்வி:- அ.தி.மு.க. பொதுக்குழுவை விரைவில் கூட்ட போவதாக கூறி இருக்கிறார்களே?
பதில்:- எதை செய்தாலும் அவர்களால் ஒரு கருத்துக்கு வர முடியாது. ஏனென்றால் தொண்டர்கள் அவர்களுடன் இல்லை.
கேள்வி:- அ.தி.மு.க. இரண்டாம் கட்ட தலைவர்கள் அனைவருமே உங்களுக்கு எதிராக தொடர்ந்து பேசி வருகிறார்களே?
பதில்:- எல்லோரும் பேசவில்லை. ஒரு சிலர் பேசுகிறார்கள். அவர்கள் ஏதாவது பதவி கிடைக்கும் என்பதற்காக கூட பேசலாம் இல்லையா?
கேள்வி:- உங்களை அ.தி.மு.க.வில் இணைக்கவே முடியாது என்றும் அவர்கள் கூறுகிறார்களே?
பதில்:- இதனை சொல்வதற்கு அவர்கள் யார்? அ.தி.மு.க.வில் யார் தலைமை பதவியில் இருக்க வேண்டும் என்பதை தலைவர் சொல்லி இருக்கிறார். அதன்படி பார்த்தால் தொண்டர்கள்தான் தலைமையை தேர்வு செய்ய வேண்டும்.
கேள்வி:- அ.தி.மு.க. சரியான எதிர்க்கட்சியாக செயல்படவில்லை என்கிற குற்றச்சாட்டு உள்ளதே?
பதில்:- அ.தி.மு.க. எந்த விஷயத்திலும் எதிர்க்கட்சியாக செயல்படவில்லை.
அதனால் தலைமைக்கு நீங்கள் வர வேண்டும் என்று கூறுகிறார்கள். இதுவே பொதுமக்களின் கருத்தாக உள்ளது.
கேள்வி:- தமிழகத்தில் நிலவும் சட்டம்-ஒழுங்கு பிரச்சினையை எப்படி பார்க்கிறீர்கள்? நேற்று கூட பா.ஜனதா பிரமுகர் ஒருவர் போலீஸ் பாதுகாப்பு இருந்த போதே கொலை செய்யப்பட்டுள்ளாரே?
பதில்:- தமிழகத்தில் கொலை குற்றங்கள் அதிக அளவில் நடைபெற்று கொண்டிருக்கிறது. சரியான நிர்வாகம் இல்லாததே அதற்கு காரணமாக அமைந்திருக்கிறது. போலீஸ் துறையை வைத்திருக்கும் முதல்-அமைச்சர் கட்டுப்பாட்டில் அந்த துறை உள்ளதா? என்பதே சந்தேகமாக உள்ளது.
கேள்வி:- அ.தி.மு.க.வை சட்ட ரீதியாக மீட்க நீங்கள் மேற்கொண்ட முயற்சிகள் பின்னடைவை ஏற்படுத்தி இருக்கிறதா?
பதில்:- பின்னடைவை ஏற்படுத்தி இருப்பதாக எப்படி கூறுகிறீர்கள். இது சுப்ரீம் கோர்ட்டு முடிவா என்ன?
கேள்வி:- அடுத்த கட்ட நடவடிக்கையாக என்ன செய்ய போகிறீர்கள்?
பதில்:- அடுத்த கட்ட நடவடிக்கைகளை நான் விரைவில் மேற்கொள்ள உள்ளேன்.
கேள்வி:- அ.தி.மு.க. தலைவர்கள் தற்போதும் தொடர்பில் உள்ளனரா?
பதில்:- இப்போதும் தொடர்பில் இருக்கிறார்கள். யார்-யார் என்பதை வெளியில் செல்ல முடியாது.
பாராளுமன்ற மேல்சபை தேர்தலில் அ.தி.மு.க. சார்பில் 2 பேரை தேர்வு செய்ய முடியும். இந்த 2 பதவிகளுக்கும் அ.தி.மு.க. மூத்த தலைவர்களிடம் கடும் போட்டி நிலவுகிறது.
சி.வி.சண்முகம், ஜெயக்குமார், செம்மலை, வளர்மதி, கோகுல இந்திரா உள்பட பலர் போட்டியிட விருப்பம் தெரிவித்துள்ளனர்.
2 எம்.பி. வேட்பாளர்களை தேர்வு செய்ய இதுவரை அ.தி.மு.க. மூத்த தலைவர்களிடம் ஒருமித்த கருத்து உருவாகவில்லை. தென்மாவட்டத்தை சேர்ந்தவருக்கு பதவியை கொடுக்க வேண்டும் என்பதில் அ.தி.மு.க. ஒருங்கிணைப்பாளர் ஓ.பன்னீர்செல்வம் உறுதியாக இருந்தார்.
