திருப்பத்தூர்:
திருப்பத்தூர் மாவட்டத்தில் திருப்பத்தூர், ஜோலார்பேட்டை, வாணியம்பாடி, ஆம்பூர், நான்கு நகராட்சி தேர்தல் மற்றும் ஜோலார்பேட்டை, நாட்றம்பள்ளி, ஆலங்காயம், ஆகிய 3, பேரூராட்சிகளில் பதிவான வாக்குப்பதிவு எந்திரங்களை சீல் வைக்கப்பட்டு பாதுகாப்பாக கொண்டு வரப்பட்டு வாணியம்பாடி ஜெயின் கல்லூரியில் தேர்தல் அலுவலர்கள், அனைத்து கட்சி பிரமுகர்கள் முன்னிலையில் பாதுகாப்பு அறையில் வைக்கப்பட்டு சீல் வைக்கப்பட்டது.
துப்பாக்கிய ஏந்திய போலீசார் அங்கு பாதுகாப்பு பணியில் ஈடுபட்டுள்ளனர்.
வருகிற 22&ந்தேதி வாக்கு எண்ணிக்கை காலை 8 மணிக்கு தொடங்குகிறது ஒரு சுற்றுக்கு 10, டேபிள்களில் வாக்கு எண்ணிக்கை நடைபெற உள்ளது.
தொடர்ந்து முடிவுகள் அறிவிக்கப்பட்டு வெற்றி பெற்ற வேட்பாளருக்கு அங்கேயே சான்றிதழ் வழங்க ஏற்பாடு செய்யப்பட்டுள்ளது.
