ரூ.70 லட்சம் மதிப்புள்ள 2 டன் புகையிலை பொருட்கள் பறிமுதல்

ராயபுரம்:

சென்னை கொண்டித்தோப்பு பகுதியில் உள்ள டிரான்ஸ்போர்ட் நிறுவனங்களில் சிலர் புகையிலை பொருட்களை பதுக்கி வைத்திருப்பதாக ஏழுகிணறு போலீசாருக்கு தகவல் கிடைத்தது. போலீசார் நேற்று மாலை கொண்டித்தோப்பு பகுதி முழுவதும் தீவிர சோதனை மேற்கொண்டனர்.

அப்போது சக்கரை கட்டி தெருவில் உள்ள அம்மா அப்பா டிரான்ஸ்போர்ட் என்ற நிறுவனத்தில் தமிழக அரசால் தடை செய்யப்பட்ட குட்கா என்ற புகையிலை பொருள் மூட்டை மூட்டையாக இருந்தது தெரியவந்தது. போலீசார் அங்கிருந்த சுமார் ரூ.70 லட்சம் மதிப்புள்ள 2 டன் புகையிலை பொருட்களை பறிமுதல் செய்தனர். அந்த நிறுவனத்தின் உரிமையாளர் மோகன்குமார், மேலாளர் கங்காராம் ஆகிய 2 பேரையும் பிடித்து விசாரணை மேற்கொண்டு வருகின்றனர்.