சென்னை:
தமிழக சட்டமன்றத் தேர்தலுக்கான பிரச்சாரம் விறுவிறுப்பாக நடைபெற்று வந்த நிலையில், வாக்காளர்களுக்கு பணப் பட்டுவாடா குறித்த புகார்கள் வந்ததால் அரவக்குறிச்சி மற்றும் தஞ்சாவூர் ஆகிய தொகுதிகளின் தேர்தல் 23-ம் தேதிக்கு தள்ளிவைக்கப்பட்டது. 25-ம் தேதி வாக்குகள் எண்ணப்படும் என அறிவிக்கப்பட்டது.
மீதமுள்ள 232 தொகுதிகளில் இன்று வாக்குப்பதிவு நடைபெற்றது. வாக்கு எண்ணிக்கை 19-ம் தேதி நடைபெற உள்ளது
எனவே, ஒத்திவைக்கப்பட்ட இரண்டு தொகுதிகளுக்கும் 19-ம் தேதிக்கு முன்பாக தேர்தல் நடத்தப்பட வேண்டும் . தே.மு.தி.க. தலைவர் விஜயகாந்த் தேர்தல் ஆணையத்தை வலியுறுத்தி உள்ளார்.
இந்த தேர்தலை தேர்தல் ஆணையம் ஜனநாயக முறையில் நடத்தவில்லை என்றும், பண விநியோகம் தொடர்பான புகாரை தேர்தல் ஆணையம் கண்டுகொள்ளவில்லை என்றும் அவர் குற்றம் சாட்டினார்.
2 தொகுதிகளுக்கான தேர்தலை 19-ம் தேதிக்கு முன்பாக நடத்த வேண்டும் என்று பல்வேறு தலைவர்களும் கோரிக்கை விடுத்துள்ளது குறிப்பிடத்தக்கது.
