தென்காளஹஸ்தி சிவன் கோவிலில் ராகு கேது பெயர்ச்சி விழா 13-ந் தேதி நடக்கிறது

நாகர்கோவில் அருகே இலந்தையடித்தட்டில் உள்ள தென்காளஹஸ்தி சிவன் கோவிலில் ராகு-கேது பெயர்ச்சி விழா வருகிற 13-ந் தேதி நடைபெறுகிறது. இதை முன்னிட்டு அதிகாலை 4.30 மணிக்கு கணபதி ஹோமம், 5.30 மணிக்கு லட்சுமி ஹோமம் ஆகியவை நடக்கிறது. பின்னர் 7 மணிக்கு முதல் கால பரிகார அர்ச்சனை அலங்கார பூஜையும், 10.30 மணிக்கு 2-ம் கால பரிகார அர்ச்சனை அலங்கார பூஜையும், 1 மணிக்கு பெயர்ச்சி நேர பூஜையும் நடக்க இருக்கின்றன. மாலை மற்றும் இரவில் அபிஷேக அலங்கார பரிகார பூஜை நடைபெறுகிறது.

ராகு-கேது தரிசனத்துக்கு குமரி மாவட்டம் மற்றும் வெளி மாவட்டங்களில் இருந்து காலை 7 மணி முதல் 10 மணி வரை வரும் பக்தர்களுக்கு அன்னதானம் வழங்கபடுகிறது. அரசு போக்குவரத்து கழகம் சார்பில் அண்ணா பஸ் நிலையத்தில் இருந்து சிறப்பு பஸ்களும் இயக்கப்பட உள்ளன. விழா ஏற்பாடுகளை தென்காளஹஸ்தி பக்தர்கள் சேவா சங்க நிர்வாகிகள் செய்து வருகிறார்கள்.