தென்திரு அண்ணாமலை கோவிலில் சிவலிங்கம் மீது சூரிய ஒளி விழுந்தது

மல்லூர் அருகே அண்ணாமலைப்பட்டி தென்திரு அண்ணாமலை கோவில் உள்ளது. இந்த கோவிலில் ஒவ்வொரு ஆண்டும் மார்ச்31-ந் தேதி மற்றும் ஏப்ரல் 1, 2-ந் தேதி என 3 நாட்கள் காலை 7 மணி முதல் 7.15 மணி வரை சிவலிங்கத்தின் மீது சூரியஒளி விழும்.

அதன்படி நேற்று காலை 7 மணி முதல் 7.15 மணி வரை சிவலிங்கத்தின் மீது சூரியஒளி விழுந்தது. இதை ஏராளமான பக்தர்கள் பார்த்தனர். இன்றும்(சனிக்கிழமை), நாளையும் இந்த சிவலிங்கத்தின் மீது சூரியஒளி விழுவதை பொதுமக்கள் கண்டு தரிசனம் செய்யலாம் என்று கோவில் நிர்வாகிகள் தெரிவித்தனர்.