இந்தவார ராசிபலன்

15.4.2024 முதல் 21.4.2024 வரை

இனிய நிகழ்வுகள் நடக்கும் வாரம். உச்சம் பெற்ற 7, 12-ம் அதிபதி சுக்ரன் ராசிக்கு 5-ல் வக்ரம் பெற்ற 8,11ம் அதிபதி புதன் மற்றும் ராகுவுடன் நிற்பதால் நீண்ட கால கனவுகள் நிறைவேறும். உடல் நல பாதிப்புகள் விலகி எதிலும் உற்சாகமாக, சுறுசுறுப்பாக செயல்படுவீர்கள்.

அசையும், அசையா சொத்துக்களில் முதலீடு செய்யும் வாய்ப்புகள் உள்ளது. எதிர்பாராத செலவுகளால் நெருக்கடியான சூழல் ஏற்பட்டாலும் சமாளித்து விடுவீர்கள். மலைபோல் வந்த துன்பம் பனி போல விலகும். காதலுக்கு எதிர்ப்புகள் கூடும் சிலருக்கு பதிவு திருமணம் நடந்து முடியும். அதிக அலைச்சலுக்கு பிறகு தொழில் தொடர்பாக அரசிடமிருந்து எதிர்பார்த்த அனுகூலமான பலன்கள் கிடைக்கும்.

புதன் ராகு சேர்க்கை இருப்பதால் பத்திரப் பதிவு முக்கிய ஆவணங்கள் தொடர்பான செயல்களில் எச்சரிக்கை தேவை. கடன் பிரச்சினை, வழக்குகளில் இருந்து மீள நல்ல சந்தர்ப்பம் கிடைக்கும். 15.4.2024 இரவு 8.38 வரை சந்திராஷ்டமம் இருப்பதால் உங்களின் வேகம் அதிகரித்து உச்ச கட்ட கோபத்தை வெளிக்காட்டு வீர்கள் வேலைப்பளு கூடும். குல தெய்வத்தை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406