இந்தவார ராசிபலன்

11.3.2024 முதல் 17.3.2024 வரை

சாதகமும், பாதகமும் நிறைந்த வாரம். ராசியை குரு பார்ப்பதால் உடலில் இருந்த பிணிகள் அகலும். உற்சாகமாக பணிபுரிவீர்கள்.உங்கள் கடமையை மன நிறைவாக செய்து முடிக்கக் கூடிய சந்தர்ப்பம் அமையும். நல்லது கெட்டது அறிந்து தைரியமாக விரைந்து முடிவெடுப்பீர்கள். உயர் கல்வி முயற்சி சித்திக்கும். கல்யாண காரியம் கை கூடும். வெளியூர் வரன் அமையும். பாக்கிய அதிபதி சூரியன் ராசிக்கு 4-ல் ராகுவுடன் கிரக ணம் அடைவதால் தாய் வழி உறவு களுடன் மன பேதம் ஏற்படலாம். உடல் நலனில் அதிக கவனம் செலுத்த வேண்டிய நேரம்.

செய் தொழிலில் போட்டி, பொறாமையை சமாளிக்க திணறுவீர்கள். பூர்வீக சொத்து தொடர்பாக பேச்சு வார்த்தையை தவிர்க்கவும்.குரு பெயர்ச்சியானவுடன் பெற்றோர் வழிச் சொத்துகளை பிரிப்பதில் நிலவிய குழப்பங்கள் அகலும். இதில் உங்கள் பெற்றோர்களின் அன்பும், ஆசிர்வாதமும் உங்களுக்கு துணையாக இருக்கும். வெளிநாட்டில் வேலை பார்ப்பவர்கள் மற்றவர்கள் பெயரில் சொத்து வாங்குவதை தவிர்க்கவும். வாழ்க்கைத் துணையை அனுசரித்துச் செல்லவும். மகிழ்ச்சியை அதிகரிக்க காலபைரவருக்கு வில்வ மாலை அணிவித்து வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406