இந்தவார ராசிபலன்

4.3.2024 முதல் 10.3.2024 வரை

புதிய முயற்சிகள் கைகூடும் வாரம். பாக்கிய ஸ்தானத்தில் சூரியன், புதன், சனி சேர்ந்து முயற்சி ஸ்தானத்தை பார்ப்பதால் தந்தையின் ஆசியும் ஆஸ்தியும் கிடைக்கும். மாமனார், சகோதரர் மூலம் தன வரவு உண்டாகும். 3ம் இடத்திற்கு குருப் பார்வை இருப்பதால் சுறுசுறுப்பாகச் செயல்படுவீர்கள். செல்வாக்கும், சொல்வாக்கும் உயரும். எத்தகைய சூழ்நிலையையும் எதிர்கொள்ளும் ஆற்றலைப் பெறுவீர்கள். எடுக்கும் முயற்சியில் தடையில்லாத வெற்றி கிட்டும். விலை உயர்ந்த நவீன ஆடம்பர பொருட்கள் சொத்துக்கள் வாங்கும் யோகம் உண்டாகும்.

குடும்பத்தில் மகிழ்ச்சியும் சுபிட்சமும் நிறைந்திருக்கும். கணவன் - மனைவிக்கிடையே அந்நியோன்யம் அதிகரிக்கும் புத்திர பிராப்தம் உண்டாகும். திருமண முயற்சி சாதகமாகும். 6.3.2024 இரவு 10.04 முதல் 8.3.2024 இரவு 9.20 வரை சந்திராஷ்டமம் உள்ளதால் நெருக்கமானவர்களிடம் இருந்து சற்று விலகி இருக்கவும். பொறுமையை கடைபிடிக்க வேண்டும். சிவராத்திரியன்று வில்வ மாலை அணிவித்து சிவபெருமானை வழிபடுவது நன்று.

`பிரசன்ன ஜோதிடர்'

ஐ.ஆனந்தி

செல்: 98652 20406