இந்தவார ராசிபலன்

29.1.2024 முதல் 4.2.2024 வரை

முயற்சிகள் பலிதமாகும் வாரம். ராசி அதிபதி புதனும் முயற்சி ஸ்தான அதிபதி சூரியனும் அஷ்டம ஸ்தானத்தில் சேர்ந்து தன ஸ்தானத்தை பார்க்கிறார்கள். இது மிதுனத்திற்கு பல விதமான சாதகங்களை ஏற்படுத்தும். தடைபட்ட பணிகள் விரைந்து செயல் வடிவம் பெறும். மனதில் நிலவிய தேவையற்ற குழப்பங்கள் நீங்கி முயற்சியில் வெற்றி ஏற்படும். ஆன்ம பலம் பெருகும். கடன், நோய் எதிரி தொல்லை நிவர்த்தியாகும். நண்பர்கள் மற்றும் குடும்ப உறவுகளுடன் இருந்த கருத்து வேறுபாடு, கடும் விரோத நிலைக்கு முற்றுப்புள்ளி வைக்கப்படும்.இதுவரை நீடித்த பகையும், வருத்தமும் மாறும்.பணிகளில் அலைச்சல் அதிகரிக்கும்.

ஊதிய உயர்வு, பணி உயர்வு, இடப்பெயர்ச்சி போன்ற நிகழ்வுகள் நடக்கும். எதிர்ப்புகளை சமாளிக்கும் மனப்பக்குவம் உண்டாகும். இந்த வாரத்தில் திருமணம் நிச்சயமாகும். புத்திர பிராப்தம் சிந்திக்கும். பழைய சொத்துக்களின் மதிப்பு உயரும். புதிய ஆடம்பர பொருட்கள் சேரும். பிள்ளைகளுடன் நல்ல புரிதல் ஏற்படும். மாணவர்களுக்கு கல்வி ஆர்வம் சிறக்கும். புதிய முயற்சியில் வெற்றியும், லாபமும் பெற சிவனுக்கு பச்சைக் கற்பூர அபிசேகம் செய்து வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406