குவைத்தில் மனைவியை ஏமாற்றிய எம்.பி.க்கு 7 ஆண்டு சிறை

குவைத் சிட்டி :

அரபு நாடுகளில் ஒன்றான குவைத்தில் எம்.பி.யாக இருப்பவர் வாலீத் அல் தப்தாபாய். இவர் கடந்த ஆண்டு தனது மனைவியை விவாகரத்து செய்தார். ஆனால் இந்த தகவலை அவர் மனைவிடம் தெரியப்படுத்தாமல் அவரை ஏமாற்றி சுமார் ஒரு வருடமாக குடும்பம் நடத்தி வந்துள்ளார். பின்னர் வாலீத் அல் தப்தாபாய் மனைவியை பிரிந்து சென்றார்.

இதனால் அதிர்ச்சியடைந்த அவரது மனைவி வாலீத் அல் தப்தாபாய் மீது கோர்ட்டில் வழக்கு தொடர்ந்தார். இந்த வழக்கை விசாரித்த கோர்ட்டு வாலீத் அல் தப்தாபாயுக்கு 7 ஆண்டுகள் சிறை தண்டனை விதித்து தீர்ப்பு அளித்தது. நாடாளுமன்றத்தை சூறையாடியது மற்றும் போலீசாரை தாக்கிய வழக்கில் ஏற்கனவே வாலீத் அல் தப்தாபாயுக்கு 42 மாதங்கள் சிறை தண்டனை விதிக்கப்பட்டுள்ளது. ஆனால் அவர் குவைத்தை விட்டு வெளியேறி தலைமறைவாக உள்ளார்.