தங்கம் விலை சவரனுக்கு ரூ.328 குறைந்தது

சென்னை:

சென்னையில் தங்கத்தின் விலை கடந்த சில நாட்களாக சரிவை சந்தித்து வருகிறது. 22-ந்தேதிக்கு பிறகு தங்கத்தின் விலை குறைந்த வண்ணம் உள்ளது. நேற்று மட்டும் பவுன் 8 ரூபாய் உயர்ந்தது. இன்று தங்கம் பவுன் ரூ.328 குறைந்துள்ளது.

நேற்று கிராம் ரூ4,651க்கு விற்பனையானது. இன்று இது குறைந்து ரூ.4,610 க்கு விற்பனையாகிறது. கிராம் 41 ரூபாய் குறைந்து இருக்கிறது. பவுன் ரூ.37, 208-ல் இருந்து ரூ.36,880 ஆக குறைந்தது.

நீண்ட நாட்களுக்கு பிறகு தங்கத்தின் விலை ரூ.37ஆயிரத்துக்கு கீழ் வந்து உள்ளது குறிப்பிடத்தக்கது. தங்கம் விலை தொடர்ந்து சரிவை சந்தித்து வருவது வாடிக்கையாளர்களை மகிழ்ச்சியில் ஆழ்த்தி உள்ளது.