தமிழில் தீபாவளி வாழ்த்து தெரிவித்த ஆளுநர் ஆர்.என்.ரவி- வீடியோ வெளியீடு

நாடு முழுவதும் தீபாவளி பண்டிகை நாளை கொண்டாடப்படுகிறது. தீபாவளி பண்டிகையை கொண்டாட மக்கள் அவரவர்களின் சொந்த ஊர்களுக்கு புறப்பட்டுள்ளனர்.

குறிப்பாக தமிழகத்தில் தலைநகர் சென்னையில் இருந்து பிற மாவட்டங்களுக்கும், பிற மாநிலங்களுக்கும் செல்லக்கூடிய மக்கள் நேற்று முதலே ரெயில், பேருந்துகளில் புறப்பட தொடங்கியுள்ளனர்.

இந்நிலையில், தீபாவளி பண்டிகையை முன்னிட்டு தமிழக மக்களுக்கு ஆளுநர் ஆர்.என் ரவி தமிழில் பேசி வாழ்த்துச் செய்தியை வெளியிட்டுள்ளார்.

ஆளுநர் ஆர்.என் ரவி தமிழில் வாழ்த்துச் செய்தி கூறும் அந்த வீடியோ ராஜ் பவனின் எக்ஸ் பக்கத்தில் வெளியிடப்பட்டுள்ளது.