மேட்டூர் அணை நீர்மட்டம் 97.6 அடியாக சரிவு

மேட்டூர்:

காவிரி நீர்பிடிப்பு பகுதிகளில் லேசான மழை பெய்தது. இதனால் மேட்டூர் அணைக்கு தண்ணீர் வந்து சற்று அதிகரித்துள்ளது. நேற்று வினாடிக்கு 92 கன அடியாக இருந்த நீர்வரத்து இன்று 242 கன அடியாக அதிகரித்துள்ளது.

அணையில் இருந்து காவிரியில் 1200 கன அடி தண்ணீர் குடிநீருக்காக திறந்து விடப்பட்டுள்ளது. அணைக்கு வரும் தண்ணீரை விட அணையில் இருந்து கூடுதல் தண்ணீர் திறந்து விடப்படுவதால் அணை நீர்மட்டம் சரிந்து வருகிறது.

நேற்று 97.71 அடியாக இருந்த மேட்டூர் அணை நீர்மட்டம் இன்று மேலும் சரிந்து 97.6 அடியானது.