உலகக்கோப்பை கால்பந்து- காயத்தால் அர்ஜென்டினா கோல் கீப்பர் விலகல்

ரஷியாவில் அடுத்த மாதம் 14-ந்தேதி முதல் ஜூலை 15-ந்தேதி வரை உலகக்கோப்பை கால்பந்து தொடர் நடைபெறுகிறது. இதில் பங்கேற்று விளையாடும் 32 நாடுகள், தங்கள் அணி வீரர்களை அறிவித்து வருகிறது. அர்ஜென்டினா தங்கள் அணி வீரர்கள் பட்டியலை சமீபத்தில் அறிவித்திருந்தது. அதில் கோல் கீப்பர் செர்ஜியோ ரொமேரோ இடம்பிடித்திருந்தார்.

நேற்று முன்தினம் (செவ்வாய்க்கிழமை) ரொமேரோவிற்கு கால் மூட்டில் காயம் ஏற்பட்டது. இதனால் அணியில் இருந்து அவர் விலகியுள்ளார் என்று அர்ஜென்டினா கால்பந்து சங்கம் தெரிவித்துள்ளார்.



இதுகுறித்து அர்ஜென்டினா கால்பந்து சங்கம் ‘‘ரொமேரோ 23 பேர் கொண்ட அர்ஜென்டினா அணியில் இருந்து நீக்கப்படுவார். அவருக்கான மாற்று வீரர் விரைவில் அறிவிக்கப்படுவார்’’ என்று தெரிவித்துள்ளது. ரொமேரோ அர்ஜென்டினா அணிக்காக 2010 மற்றும் 2014 உலகக்கோப்பையில் விளயைாடியுள்ளார். அர்ஜென்டினாவிற்கு 83 போட்டியில் களம் இறங்கியுள்ளார்.