தென் ஆப்பிரிக்க தொடரில் அதிக விக்கெட் வீழ்த்திய குல்தீப் யாதவ்

தென்ஆப்பிரிக்காவுக்கு எதிரான ஒருநாள் தொடரில் இந்திய வீரர்கள் சிறப்பான ஆட்டத்தை வெளிப்படுத்தினர். குறிப்பாக விராட் கோலியின் ஆட்டம் மிகவும் அபாரமாக இருந்தது. அவர் 6 ஆட்டத்தில் விளையாடி 558 ரன் குவித்தார்.

கோலிக்கு அடுத்தபடியாக தவான் 323 ரன் எடுத்து 2-வது இடத்தை பிடித்தார். இதில் 1 சதமும், 2 அரை சதமும் அடங்கும். சராசரி 64.60 ஆகும். ரோகித்சர்மா 1 சதத்துடன் 170 ரன்னும், ஹசிம் அம்லா 154 ரன்னும் எடுத்தனர்.

பந்துவீச்சைப் பொருத்தவரை சுழற்பந்து வீச்சாளர் குல்தீப் யாதவ் 17 விக்கெட் கைப்பற்றி முதல் இடத்தை பிடித்தார். 23 ரன் கொடுத்து 4 விக்கெட் வீழ்த்தியதே சிறந்த பந்துவீச்சு ஆகும். யசுவேந்திர சாஹல் 16 விக்கெட் வீழ்த்தினார். 22 ரன் கொடுத்து 5 விக்கெட் கைப்பற்றியது அவரது சிறந்த பந்துவீச்சு ஆகும்.



இந்திய சுழற்பந்து வீரர்கள் இருவரும் இணைந்து 33 விக்கெட் வீழ்த்தி உள்ளனர்.

பும்ரா, தென்ஆப்பிரிக்கா வீரர் நிகிடி தலா 8 விக்கெட் கைப்பற்றி அதற்கு அடுத்த நிலையில் உள்ளனர்.