டென்னிஸ் தரவரிசை: முதன்முறையாக முதல் இடத்தை பிடித்தார் சிமோனா ஹாலெப்

சீனாவின் பீஜிங் நகரில் சீன ஓபன் டென்னிஸ் தொடர் நடைபெற்று வருகிறது. பெண்கள் ஒற்றையர் பிரிவிற்கான அரையிறுதி ஒன்றில் ருமேனிய வீராங்கனை சிமோனா ஹாலெப், லாத்வியாவின் ஜெலினா ஓஸ்டாபென்கோவை எதிர்கொண்டார். இதில் ஹாலெப் 6-2, 6-4 என நேர்செட் கணக்கில் வெற்றி பெற்றார்.



இந்த வெற்றியின் மூலம் இறுதிப் போட்டிக்கு நுழைந்த ஹாலெப், முதன்முறையாக உலக டென்னிஸ் தரவரிசையில் முதல் இடத்திற்கு முன்னேறியுள்ளார். முதல் இடத்தில் இருந்து முகுருசா 2-வது இடத்திற்கு பின்தங்கியுள்ளார். அடுத்த வாரம் வெளியிடப்படும் அதிகாரப்பூர்வ பட்டியலில் இந்த மாற்றம் ஏற்பட இருக்கிறது.