இந்தோனேசிய ஓபன் பேட்மிண்டன்: ஸ்ரீகாந்த் கிதாம்பி இறுதிப் போட்டிக்கு முன்னேற்றம்

இந்தோனேசிய ஒபன் பேட்மிண்டன் தொடர் இந்தோனேசியாவில் உள்ள ஜகார்த்தாவில் நடைபெற்று வருகிறது. ஆண்களுக்கான் ஒற்றையர் அரையிறுதிப் போட்டிகள் இன்று நடைபெற்றன. முதலில் நடைபெற்ற அரையிறுதிப் போட்டியில் பிரனாய் அதிர்ச்சி தோல்வியடைந்து வெளியேறினார்.



2-வது அரையிறுதிப் போட்டியில் மற்றொரு இந்திய வீரர் ஸ்ரீகாந்த கிதாம்பி, கொரியாவைச் சேர்ந்த சன் வான் ஹோவை எதிர்கொண்டார்.

முதல் செட்டை கிதாம்பி 21-15 என எளிதில் கைப்பற்றினார். 2-வது செட்டை 14-21 என இழந்தார். இதனால் 3-வது செட் மிகவும் பரபரப்பாக சென்றது. இறுதியில் கிதாம்பி 24-22 என அந்த செட்டை கைப்பற்றி இறுதிப் போட்டிக்கு முன்னேறியுள்ளார்.