மகளுக்கு வசதியான வரன் தேடி ரூ.3 லட்சம் செலுத்திய தந்தை

பணக்கார குடும்பத்தினர் தங்களது மகளுக்கு பெரிய இடத்தில் மாப்பிள்ளை தேடுவார்கள். ஆனால் தனது மகளுக்கு தங்களை விட மிகப்பெரிய பணக்கார குடும்பங்களில் இருந்து மட்டுமே வரன் வேண்டும் என்பதற்காக தந்தை ஒருவர் ரூ.3 லட்சம் கட்டணம் செலுத்தியது இணையத்தில் விவாதத்தை ஏற்படுத்தி உள்ளது.

இதுதொடர்பாக மிஷ்கா ராணா என்ற பயனர் எக்ஸ் தளத்தில் பகிர்ந்துள்ள பதிவில், ரூ.200 கோடிக்கு மேல் வசதி கொண்ட பணக்கார குடும்பத்தில் இருந்து மட்டுமே வரன் வேண்டும் என்பதற்காக எனது நண்பரின் தந்தை ஒருவர் ஆன்லைன் தளத்தில் ரூ.3 லட்சம் கட்டணம் செலுத்தி உள்ளார் என பதிவிட்டுள்ளார்.

இவரது பதிவு வைரலாகி 2.5 லட்சத்திற்கும் அதிகமான பார்வைகளை பெற்றது. பயனர்கள் பலரும் தங்களது கருத்துக்களை பதிவிட்டு வருகின்றனர்.