நிர்பயா வழக்கு- குற்றவாளிகள் 2 பேர் புதிய முறையீடு

புதுடெல்லி:

புதுடெல்லியில் கடந்த 2012-ம் ஆண்டு டிசம்பர் 16-ந் தேதி ஓடும் பஸ்சில் மருத்துவ மாணவி கற்பழித்து கொலை செய்யப்பட்டார்.


தூக்கு தண்டனையை எதிர்த்து குற்றவாளிகள் தரப்பில் தாக்கல் செய்யப்பட்ட மேல்முறையீட்டு மனுக்கள் அனைத்தும் தள்ளுபடி செய்யப்பட்டன.

வருகிற 1-ந் தேதி காலை 6 மணிக்கு 4 பேரையும் தூக்கிலிட டெல்லி கோர்ட்டு உத்தரவிட்டுள்ளது. அதன்பேரில் 4 பேரையும் தூக்கிலிட திகார் சிறை நிர்வாகம் தயாராகி வருகிறது.

இந்நிலையில் தூக்கு தண்டனை விதிக்கப்பட்ட வினய் பவன், அக்‌ஷய் குமார் சிங் சார்பில் வக்கீல் ஏ.பி.சிங் என்பவர் இன்று டெல்லி பாட்டியாலா கோர்ட்டில் புதிய மனு ஒன்றை தாக்கல் செய்தார்.