துணை முதலமைச்சர் பன்னீர்செல்வத்தை சந்தித்தார் முதல்வர் எடப்பாடி பழனிசாமி

சென்னை,

தமிழகத்தில் வரவிருக்கும் சட்டமன்ற தேர்தலில் அ.தி.மு.க. முதல்வர் வேட்பாளராக எடப்பாடி பழனிசாமி முன்னிறுத்தப்படுவார் என்று அ.தி.மு.க. ஒருங்கிணைப்பாளரும் துணை முதல்வருமான ஓ பன்னீர் செல்வம் அறிவித்தார். அ.தி.மு.க. தலைமை அலுவலகத்தில் இந்த அறிவிப்பை ஓ பன்னீர் செல்வம் வெளியிட்டார்.  அதேபோல், 11 பேர் கொண்ட வழிகாட்டுதல் குழுவையும் அ.தி.மு.க. தலைமை அறிவித்துள்ளது.

இந்நிலையில், கிரீன்வேஸ் சாலையில் உள்ள இல்லத்தில் துணை முதல்வர் ஓ பன்னீர் செல்வத்தை முதல்வர் எடப்பாடி பழனிசாமி இன்று மாலை சந்தித்தார். அப்போது அவருக்கு பூங்கொத்து கொடுத்து வரவேற்றார் பன்னீர் செல்வம். முதல்வர் வேட்பாளராக தன்னை அறிவித்ததற்கு முதல்வர் பழனிசாமி நன்றி தெரிவித்தார். 

அப்போது அமைச்சர்கள் எஸ்.பி.வேலுமணி, தங்கமணி , சி.வி.சண்முகம் உள்பட பலர் இருந்தனர். முதல்வர் பழனிசாமியிடம் எம்.பி. ரவீந்திரநாத் ஆசி பெற்றார்.