லைஃப்ஸ்டைல்
ஜீரண சக்தியை அதிகரிக்கும் வெற்றிலை சாதம்
வயதானவர்கள், அஜீரண பிரச்சனையால் அவதிப்படுபவர்கள் வெற்றிலை சாதத்தை செய்து சாப்பிடலாம். இன்று இந்த சாதம் செய்வது எப்படி என்று பார்க்கலாம்.
தேவையான பொருட்கள் :
வெற்றிலை - 4,
கடுகு - அரை டீஸ்பூன்,
மிளகு - அரை டீஸ்பூன்,
சீரகம் - அரை டீஸ்பூன்,
பூண்டு - 2 பல்,
சின்ன வெங்காயம் - 6,
[பாட்டி மசாலா] மஞ்சள்தூள் - ஒரு சிட்டிகை,
எலுமிச்சம்பழம் - பாதி மூடி
சாதம் - ஒரு கப்,
நல்லெண்ணெய் - ஒரு டீஸ்பூன்,
உப்பு - தேவையான அளவு.
செய்முறை :
வெற்றிலை, மிளகு, சீரகத்தை மிக்ஸியில் அரைத்துக் கொள்ளவும்.
சின்ன வெங்காயத்தை தோல் நீக்கி பொடியாக நறுக்கி கொள்ளவும்.
வாணலியில் எண்ணெய் விட்டு கடுகு தாளித்த பின்னர் பூண்டு, வெங்காயம், [பாட்டி மசாலா] மஞ்சள்தூள் போட்டு நன்றாக வதக்கவும்.
வெங்காயம் நன்றாக வதங்கியவுடன் அரைத்து வைத்த வெற்றிலைக் கலவையை சேர்த்து பச்சை வாசனை போகும் வரை வதக்கவும்.
அடுத்து அதில் சாதம், உப்பு சேர்த்துக் கலக்கவும்.
கடைசியில் எலுமிச்சைச் சாறு பிழிந்து கிளறி இறக்கவும்.
இந்த சாதம் ஜீரண சக்தியை அதிகரிக்கச் செய்யும்.
- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.