சர்க்கரை நோயாளிகளுக்கு உகந்த சிறுதானிய காய்கறி இட்லி

தேவையான பொருட்கள் :

வரகு, சாமை, திணை, குதிரை வாலி (நான்கு தானியங்களின் குருணைகள்) - ஒரு கப்
பயத்தம் பருப்பு - கால் கப்
உளுத்தம் பருப்பு - அரை கப்
இஞ்சி - சிறிய துண்டு
பீன்ஸ் - 10,
பச்சைமிளகாய் - 3
கேரட் - 1
பட்டாணி - அரை கப்
கொத்தமல்லி, பெருங்காயத்தூள், உப்பு, நெய் - தேவையான அளவு



செய்முறை :

* சிறுதானிய குருணைகளை 1 மணி நேரம் ஊறவிடவும்.

* கேரட்டை துருவிக்கொள்ளவும்.

* கொத்தமல்லி, பீன்ஸை பொடியாக நறுக்கி கொள்ளவும்.

* பயத்தம் பருப்பு, உளுந்தம் பருப்பு இரண்டையும் 1 மணி நேரம் ஊறவிட்டு, பின் தண்ணீரை வடித்து விட்டு, ஊற வைத்த குருணைகள், பச்சைமிளகாய், தோல் நீக்கி நறுக்கிய இஞ்சி, பெருங்காயம் சேர்த்து நன்றாக அரைக்கவும்.

* ஒரு பாத்திரத்தில் அரைத்த மாவை போட்டு அதனுடன் கொத்தமல்லி, உப்பு, பீன்ஸ், கேரட் துருவல், பட்டாணி சேர்த்து இட்லி மாவு பதத்துக்கு கரைத்துக் கொள்ளவும்.(தேவைப்பட்டால் சிறிதளவு தயிர் சேர்க்கவும்).

* பின்னர் இட்லி தட்டில் சிறிதளவு நெய்யைத் தடவி, அதில் இட்லி மாவை ஊற்றி, வேகவைத்து எடுக்கவும்.

* இந்த இட்லி சத்தானது, எளிதில் செரிக்கும் தன்மை கொண்டது. சர்க்கரை வியாதி உள்ளவர்களுக்கு மிகவும் ஏற்றது இந்த இட்லி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.