பிறந்தநாளில் கதாநாயகியை வரவேற்ற இயக்குனர் ஷங்கர்

தமிழ் திரையுலகில் முன்னணி இயக்குனராக வலம் வருபவர் ஷங்கர். இவர் அடுத்ததாக தெலுங்கு நடிகர் ராம்சரண் நடிக்கும் படத்தை இயக்க உள்ளார். தமிழ், தெலுங்கு, இந்தி ஆகிய மொழிகளில் இப்படம் உருவாக உள்ளது. பிரம்மாண்ட பட்ஜெட்டில் தயாராகும் இப்படத்தை தில் ராஜு தயாரிக்கிறார். இப்படத்திற்கு தமன் இசையமைக்க உள்ளார்.

இப்படத்தின் கதாநாயகியாக கியாரா அத்வானி நடிக்க இருப்பதாக ஏற்கனவே செய்திகள் வெளியானது. இந்நிலையில், கியாரா அத்வானி தனது பிறந்தநாளை முன்னிட்டு, இன்று படக்குழுவில் இணைந்திருக்கிறார். இயக்குனர் ஷங்கர் உள்ளிட்ட படக்குழுவினர் அவரை வரவேற்று இருக்கிறார்கள்.

ஷங்கர் - கியாரா அத்வானி

மேலும் கியாரா அத்வானிக்கு பிறந்தநாள் வாழ்த்து கூறி போஸ்டர் ஒன்றையும் படக்குழுவினர் வெளியிட்டு இருக்கிறார்கள்.