சினிமா
ஒவ்வொரு காட்சிக்கும் ரஜினி மெனக்கெடுகிறார் - விஜய் சேதுபதி
பேட்ட படத்தில் ரஜினியுடன் நடித்துள்ள விஜய் சேதுபதி, ஒவ்வொரு காட்சிக்கும் ரஜினி மெனக்கெடுகிறார் என்று கூறியிருக்கிறார். #Petta #Rajini #VijaySethupathi
பிரேம்குமார் இயக்கத்தில் விஜய் சேதுபதி, திரிஷா நடிப்பில் சமீபத்தில் வெளியாகி வெற்றி பெற்ற திரைப்படம் ‘96’. இத்திரைப்படம் குறித்த கலந்துரையாடல் கூகை திரைப்பட இயக்கத்தின் நூலகத்தில் நடைபெற்றது.
அப்போது விஜய்சேதுபதியிடம் பேட்ட படத்தில் ரஜினிகாந்த், நவாசுதீன் சித்திக்குடன் நடித்தது பற்றி கேள்வி எழுப்பப்பட்டது. அதற்கு பதிலளித்த விஜய்சேதுபதி, “நவாசுதீன் சித்திக் நல்ல நடிகர். ரஜினிகாந்த் வெளியில் பார்ப்பது போல் அல்ல. ஒவ்வொரு காட்சிக்கு முன்பும் அவர் மெனக்கெடுகிறார். அவர் மிகச்சிறந்த நடிகர்.
அவரை பக்கத்திலிருந்து பார்த்து நான் அதனை உணர்ந்தேன். நவாசுதீன் சித்திக் மிகவும் இயல்பாக நடிக்கக்கூடியவர். அவர் தனது இயல்புத் தன்மை திரைமொழியோடு தொடர்பு கொள்ளும் என்று நம்பக் கூடியவர். நான் நிறைய சொல்வதை விட, படம் பார்த்துத் தெரிந்து கொள்ளுங்கள். விரைவில் திரைக்கு வரும்” என்று கூறினார்.