விஸ்வாசம் படத்தில் அஜித் அறிமுக பாடலின் வரிகள்

அஜித் நடிப்பில் சிவா இயக்கி வரும் படம் ‘விஸ்வாசம்’. நயன்தாரா கதாநாயகியாக நடித்து வரும் இந்தப் படத்தில் விவேக், ரவி அவானா, தம்பி ராமையா, ரோபோ சங்கர், யோகி பாபு, போஸ் வெங்கட், ரமேஷ் திலக் ஆகியோர் முக்கியக் கதாபாத்திரங்களில் நடிக்கின்றனர்.

அஜித் ‘தூக்கு’ துரை என்ற கேரக்டரில் நடித்திருப்பதாகத் தகவல் கிடைத்துள்ளது. பர்ஸ்ட் லுக்கில் இரண்டு விதமான அஜித்தின் புகைப்படங்கள் இடம்பெற்றிருந்ததால் எந்த அஜித்துக்கு இந்தப் பெயர் என்பது குறித்த விவரம் தெரியவில்லை.

இந்த ‘தூக்கு’ துரை என்ற கேரக்டர் மதுரைக்காரர் என்பதால், மதுரைத் தமிழில் பேசி நடித்து வருகிறார் அஜித். இந்தப் படத்தில் பாடலாசிரியர் அருண் பாரதி ஒரு பாடல் எழுதியிருக்கிறார். அந்தப் பாடலில், ‘எத்தன உயரம் இமயமல, அதில் இன்னொரு சிகரம் எங்க தல...’ என்ற வரி இடம் பெற்றுள்ளது. 

இந்த வரியை அருண் பாரதியே தன்னுடைய டுவிட்டர் பக்கத்தில் வெளியிட்டுள்ளார். இது படத்தில் அஜித்தின் அறிமுக பாடலாக இருக்கலாம் என்று கூறப்படுகிறது. பொங்கலுக்கு இந்தப் படம் வெளியாக இருக்கிறது. #Viswasam #AjithKumar