சினிமா
தமிழ், தெலுங்கு, மலையாளம், கன்னடம் ஆகிய மொழிகளில் நடித்திருக்கும் அமலாபால் தற்போது முதல்முறையாக ஒரு படத்தில் நடிக்க ஒப்பந்தம் ஆகியிருக்கிறார். #Amalapaul
அமலாபால் நடிப்பில் இறுதியாக ‘பாஸ்கர் ஒரு ராஸ்கல்’ திரைப்படம் வெளியானது. இப்படம் எதிர்ப்பார்த்தளவிற்கு ரசிகர்களை கவரவில்லை. இப்படத்தை அடுத்து விஷ்ணு விஷாலுக்கு ஜோடியாக ‘ராட்ச்சசன்’ படத்தில் நடித்து வருகிறார். முண்டாசுப்பட்டி ராம்குமார் இயக்கியுள்ள இப்படம் விரைவில் வெளியாக இருக்கிறது.
அதுபோல், கதாநாயகியை மையப்படுத்தி உருவாகி வரும் ‘அதோ அந்த பறவை போல’ படத்தில் நடித்து வருகிறார். இப்படத்தை கே.ஆர்.வினோத் இயக்கியுள்ளார். இப்படம் இறுதி கட்டத்தில் உள்ளது. தற்போது இந்தி படத்தில் நடிக்க ஒப்பந்தமாகி இருக்கிறார் அமலாபால்.
அர்ஜுன் ராம்பால் நடிக்க இருக்கும் புதிய படத்தில் கதாநாயகியாக நடிக்க ஒப்பந்தம் ஆகி இருக்கிறார் அமலாபால். இப்படத்தை நரேஷ் மல்ஹோத்ரா இயக்க இருக்கிறார். இப்படத்தின் படப்பிடிப்பு அக்டோபர் மாதம் தொடங்க இருப்பதாக கூறப்படுகிறது. இப்படத்தின் மூலம் முதல்முறையாக இந்தி படத்தில் அறிமுகமாக இருக்கிறார் அமலாபால்.