ஜி.வி.பிரகாஷையடுத்து அதர்வாவை இயக்கும் டார்லிங் இயக்குனர்

ஜி.வி.பிரகாஷ் நடிப்பில் வெளிவந்த ‘டார்லிங்’ படத்தை இயக்கியவர் சாம் ஆண்டன். இவர் தன்னுடைய அடுத்த படமான எனக்கு இன்னொரு பேர் இருக்கு என்ற படத்தையும் ஜி.வி.பிரகாஷை வைத்தே இயக்கியிருந்தார். ‘டார்லிங்‘ படத்தின் ஹிட் அளவுக்கு ‘எனக்கு இன்னொரு பேர் இருக்கு’ படம் பெரிய ஹிட் கொடுக்கவில்லை.

இந்நிலையில் சாம் ஆண்டன் அடுத்ததாக அதர்வாவை வைத்து புதிய படம் ஒன்றை இயக்கவிருக்கிறார். இப்படத்தை குளோபல் இன்போடெயின்மெண்ட் நிறுவனம் சார்பில் மைக்கேல் ராயப்பன் தயாரிக்கிறார். இவர் தற்போது சிம்பு நடிப்பில் உருவாகிவரும் ‘அன்பானவன் அசராதவன் அடங்காதவன்’ என்ற படத்தையும் தயாரித்து வருகிறார் என்பது குறிப்பிடத்தக்கது.



அதர்வா-சாம் ஆண்டன் இணையும் புதிய படத்தின் படப்பிடிப்பு வரும் ஆகஸ்ட் மாதத்தில் தொடங்கும் என கூறப்படுகிறது. தற்போது இப்படத்தில் நடிக்கும் பிற நடிகர், நடிகைகள் தேர்வு நடைபெற்று வருகிறது. விரைவில், இதுகுறித்து அதிகாரப்பூர்வமாக அறிவிப்பார்கள் என எதிர்பார்க்கப்படுகிறது.