அட்லி படத்தின் பாடல்களை வெளியிடும் கமல்

‘ராஜா ராணி’, ‘தெறி’ ஆகிய படங்களை இயக்கிய அட்லியின் தயாரிப்பில் முதன்முதலாக உருவாகிவரும் படம் ‘சங்கிலி புங்கிலி கதவ தொற’. இப்படத்தை ஹைக் என்பவர் இயக்கி வருகிறார். ஜீவா, ஸ்ரீதிவ்யா, சூரி ஆகியோர் முக்கிய கதாபாத்திரங்களில் நடித்துள்ளனர்.

இப்படத்தை மே 19-ந் தேதி வெளியிட படக்குழுவினர் முடிவு செய்துள்ள நிலையில், இப்படத்தின் பாடல்கள் மற்றும் டிரைலரை அதற்கு முன்னதாக வரும் ஏப்ரல் 24-ந் தேதி வெளியிடவுள்ளனர். இந்த பாடல்களையும் டிரைலரையும் நடிகர் கமல்ஹாசன் வெளியிடவுள்ளார்.



திகில் கலந்த நகைச்சுவை படமாக உருவாகியுள்ள இப்படம் நிச்சயமாக ரசிகர்களுக்கு கோடை விருந்தாக இருக்கும் என படக்குழுவினர் நம்பிக்கை தெரிவிக்கின்றனர். இப்படத்தை ‘ஏ பார் ஆப்பிள்’ நிறுவனத்தின் சார்பாக அட்லி தயாரிக்க, பாக்ஸ் ஸ்டார் ஸ்டுடியோஸ் நிறுவனம் வெளியிடவிருக்கிறது.