நீங்கள் தேடியது "Assembly Election"

ஜம்மு-காஷ்மீர் மாநிலத்தில் உள்ள 90 தொகுதிகளுக்கு மூன்று கட்டங்களாக வாக்குப்பதிவு நடைபெற்றது. முதல் கட்டமாக 24 தொகுதிகளுக்கும், 2-வது கட்டமாக 26 தொகுதிகளுக்கும், 3-வது கட்டமாக 40 தொகுதிகளுக்கும் வாக்கப்பதிவு நடைபெற்றது.

ஜம்மு காஷ்மீர் சட்டமன்ற தேர்தலில் பதிவான வாக்குகள் அக்டோபர் 8 ஆம் தேதி எண்ணப்பட்டன. அதில், பெரும்பான்மை இடங்களை பிடித்து தேசிய மாநாடு மற்றும் காங்கிரஸ் கூட்டணி வெற்றி பெற்றது.

தேசிய மாநாடு கட்சி 42 இடங்களில் வெற்றி பெற்றுள்ளது. காங்கிரஸ் கட்சி 6 இடங்களில் வெற்றி பெற்றுள்ளது. பா.ஜ.க. 29 இடங்களிலும் பிற கட்சிகள் ஆறு தொகுதிகளில் வெற்றி பெற்றுள்ளன. சுயேட்சைகள் ஏழு தொகுதிகளில் வெற்றி பெற்றுள்ளனர்.

தேசிய மாநாடு கட்சி - காங்கிரஸ் கூட்டணி ஆட்சியமைக்கும் என்று எதிர்பார்க்கப்பட்ட நிலையில் பியாரே லால் சர்மா, சதீஷ் ஷர்மா, சௌத்ரி முகமது அக்ரம் மற்றும் டாக்டர் ராமேஷ்வர் சிங் ஆகிய 4 சுயேட்சை எம்.எல்.ஏ.க்கள் தேசிய மாநாட்டு கட்சிக்கு ஆதரவு தெரிவித்துள்ளனர்.

இதன்மூலம் தேசிய மாநாட்டு கட்சியின் பலம் 46 ஆக உயர்ந்துள்ளது. அதன்படி காங்கிரஸ் கூட்டணி இல்லாமல் தனியாக ஆட்சி அமைக்க தேவையான சட்டமன்ற உறுப்பினர்களை தேசிய மாநாட்டு கட்சி பெற்றுள்ளது.

அரியானா மாநிலத்தில் நடைபெற்ற சட்டமன்ற தேர்தலில் 48 இடங்களில் வெற்றி பெற்று 3 ஆவது முறையாக பாஜக ஆட்சியை பிடித்துள்ளது.

நயாப் சிங் சைனி மீண்டும் அரியானா முதலமைச்சராக தேர்ந்தெடுக்கப்படுவார் என்று கூறப்படுகிறது. .

இந்நிலையில், அரியானா தேர்தலில் வெற்றி பெற்ற 3 சுயேட்சை எம்.எல்.ஏ.க்களான சாவித்ரி ஜிண்டால், தேவேந்தர் கத்யான், ராஜேஷ் ஜூன் இன்று பாஜகவுக்கு தங்களது ஆதரவை தெரிவித்தனர்.

மத்திய அமைச்சரும் அரியானா மாநில பாஜக. பொறுப்பாளருமான தர்மேந்திர பிரதானை அவரது இல்லத்தில் சந்தித்து, பாஜக ஆட்சிக்கு ஆதரவு அளிப்பதாக அவர்கள் தெரிவித்தனர். இதன்மூலம் ஹரியானாவில் பாஜகவின் பலம் 51 ஆக அதிகரித்துள்ளது.

நாட்டின் பணக்கார பெண்மணியான சாவித்ரி ஜிண்டாலுக்கு தேர்தலில் போட்டியிட பாஜக வாய்ப்பு மறுத்தது. இதனையடுத்து அவர் ஹிசார் தொகுதியில் சுயேட்சையாக போட்டியிட்டு வெற்றி பெற்றார்

பாஜகவில் இருந்து அதிருப்தி காரணமாக பிரிந்து சென்ற தேவேந்தர் கத்யான் கனார் தொகுதியில் சுயேட்சையாக போட்டியிட்டு வென்றார். அதேபோல் பாஜகவில் இருந்து விலகிய ராஜேஷ் ஜூன் பகதூர்கர் தொகுதியில் சுயேட்சையாக போட்டியிட்டு வென்றார்.

பாஜக தோல்வி 

விவசாயிகள் பிரச்சனை, அக்னிவீர் திட்ட எதிர்ப்பு உள்ளிட்டவை அரியானாவில் நடந்த தேர்தலில் தாக்கத்தை ஏற்படுத்தி காங்கிரசுக்கு வெற்றி வாய்ப்பை ஏற்படுத்தும் என்று கருதப்பட்டது. ஆனால் அதற்கு நேர்மாறாக 90 க்கு 48 தொகுதிகளைக் கைப்பற்றி தொடர்ந்து மூன்றாவது முறையாக பாஜக ஆட்சியமைக்கிறது. இதற்கு பலதரப்பட்ட காரணங்கள் முன்வைக்கப்படுகின்றன.

அதில் முக்கியமானது இந்த தேர்தலில் ஆர்எஸ்எஸ் அமைப்பின் கள செயல்பாடு. கடந்த மக்களவை தேர்தலில் பாஜகவுக்கு அரியானாவில் பெரும் பின்னடைவு ஏற்பட்டிருந்தது. மொத்தம் உள்ள 10 மக்களைவைத் தொகுதிகளில் 5 இடங்களில் பாஜகவும், 5 இடங்களில் இந்தியா கூட்டணியும் வென்றது. முன்னதாக 2019 தேர்தலில் 10 இடங்களிலும் பாஜக வென்ற இந்நிலையில் 2024 தேர்தல் பாஜகவுக்கு சறுக்களாக பார்க்கப்பட்டது.

 உதவி நாடி சென்ற இடம் 

இதில் சுதாரித்த பாஜக தங்கள் கொள்கை கூட்டாளியான ஆர்எஸ்எஸ் அமைப்பை நாடியது. அதன்படி அரியானாவில் பாஜகவுக்கு உள்ள மக்கள் ஆதரவு குறித்து ஆர்எஸ்எஸ் எடுத்த சர்வே, முதல்வராக இருந்த மனோகர் லால் கட்டாருக்கு தலைமைக்கு ஆதரவு குறைந்ததை சுட்டிக்காட்டியது.

இதனால் கட்டார் நீக்கப்பட்டு கடந்த மார்ச்சில் நயாப் சிங் சைனி முதல்வர் ஆக்கப்பட்டார். இது, அடுத்த தேர்தலை மனதில் வைத்து பாஜக எடுத்துவைத்த முதல் அடி. அதன்பின் விவசாயப் பெருநிலமாக விளங்கும் அரியானாவில் கிராமங்களில் கட்சிக்கான ஆதரவை மீட்டெடுக்கும் பொறுப்பை ஆர்எஸ்எஎஸ் இடம் பாஜக ஒப்படைத்தது.

களத்தில் ஆர்எஸ்எஸ்

ஜூன் 5 ஆம் தேதி மக்களவைத் தேர்தல் முடிவுகள் வெளியான நிலையில், மத்தியில் பதவியேற்பு ஆரவாரங்கள் முடிந்தபின்னர் சரியாக ஒரு மாதம் கழித்து ஜூலை 29 ஆம் தேதி புது தில்லியில் ஆர்எஸ்எஸ் பொதுச்செயலாளர் அருண் குமார், அரியானா பாஜக தலைவர் மோகன்லால் பர்தோலி, அப்போதைய மத்திய அமைச்சர் தர்மேந்திர பிரதான் உள்ளிட்டோர் அடங்கிய முக்கிய கூட்டம் ஒன்று நடந்தது.

இதில் தற்போது நடந்த சட்டமன்றத் தேர்தலுக்கான வியூகங்கள் வகுக்கப்பட்டன. கிராம மக்களின் நம்பிக்கையை மீளப்பெறுவதே இந்த கூட்டத்தில் எடுக்கப்பட்ட முக்கிய முடிவு. அதன்படி, உள்ளூர் வேட்பாளர்களைத் தேர்ந்தெடுப்பது, அவர்களை மக்களிடையே நிறுவுவது என வேலையைத் தொடங்கியது ஆர்எஸ்எஸ். செப்டம்பர் மாத தொடக்கத்தில் ஊரக வாக்காளரைக் கவரும் திட்டம் தொடங்கப்பட்டது.

கிராமங்கள் -  கூட்டங்கள் 

இதன்மூலம் ஒவ்வொரு மாவட்டத்துக்கும் குறைந்தது 150 ஆர்எஸ்எஸ் தன்னார்வலர்கள் நியமிக்கப்பட்டனர். கிராமப்புர சமூகங்களிடம் அதிகரித்து இருந்த பாஜவுக்கு எதிரான மனநிலையை மாற்றும் பணியில் அந்த குழு ஈடுபட்டது. மக்கள் முன் தோன்றி கைகட்டி ஆதரவு சேகரிப்பதை விட சிறந்த அரசியல் திட்டம் எதுவும் இல்லை என்று அரசியல் விமர்சகர் ராஜாத் சேத்தி ஆர்எஸ்எஸ்-ன் இந்த ஊரக மக்களை கவரும் திட்டம் குறித்து பேசியிருந்தார். 

செப்டம்பர் மாத தொடக்கத்திலிருந்து சுமார் 16,000 ஆர்எஸ்எஸ் சந்திப்புகள் மற்றும் நிகழ்ச்சிகள் அரியானாவில் நடத்தப்பட்டுள்ளது. வீடு வீடாக இந்த சந்திப்புகள், நிகழ்ச்சிகளுக்கு மக்கள் திரட்டப்பட்டனர். இங்கு பாஜக விரோத போக்கு காரணமாக இந்த ஆள் திரட்டுதலில் பாஜகவினரை விட ஆர்எஸ்எஸ் காரர்களே முக்கிய சக்தியாகச் செயல்பட்டனர்.

முகம் 

அதிக வாக்கு வங்கி உள்ள உள்ளூர் வேட்பாளர்களை தேர்ந்தெடுக்கும் விஷயத்தில் பாஜகவுக்கு ஆர்எஸ்எஸ் வழிகாட்டுதல் கைகொடுத்தது. புதிதாக ஆதரவு  திரட்டுவதை விட விவசாயிகள் பிரச்சனை உள்ளிட்டவற்றால் மனக்கசப்பில் பாஜக ஆதரவிலிருந்து விலகியவர்களை மீண்டும் தங்கள் பக்கம் இழுக்கும் விதமாகச் செயல்பட்டது ஆர்எஸ்எஸ். புதிதாக வந்த முதல்வர் நயாப் சிங்சையினியின் முகத்தை கிராமங்களுக்குக் கொண்டு சேர்க்கும் பணி நடந்தது. குறிப்பாக அவரின் சொந்த தொகுதியான லாட்வாவில் அவருக்கு எதிராக இருந்த மனநிலையை மாற்ற அதிக கவனம் செலுத்தப்பட்டது.

கிராமந்தோறும் பாஜக மீது அதிருப்தி தெரிவித்திருந்த சாதித் தலைவர்கள் , பஞ்சாயத்துத் தலைவர்களை முதல்வர் சைனி நேரடியாகச் சென்று சந்தித்தார் . அதிகம் உள்ள ஜாத் சமூகத்தினர், தலித்துகளின் வாக்கு வங்கிக்கு முக்கிய கவனம் தரப்பட்டது.

நம்பிக்கை 

பாஜக அரசு மற்றும் மக்களுக்கிடையே இருந்த இடைவெளியை ஆர்எஸ்எஸ் நிரப்பியது. மடல்கள் தோறும், பஞ்சாயத்துகள் தோறும் பொது சவுபல் [chaupals] எனப்படும் அமைப்புகள் தோறும் ஆர்எஸ்எஸ் தன்னார்வலர்கள் வாக்கு வங்கியை உறுதி செய்தனர்.

முன்னதாக கூறியபடி செப்டம்பர் 1 முதல் 9 வரை ஒவ்வொரு சட்டமன்றத் தொகுதிகளிலும் குறைந்தது 90 கூட்டங்கள் நடத்தப்பட்டன. கிராமப்புற பகுதிகளில் 200 வரை அது அதிகரித்தது. பாஜகவின் நிர்வாகம் மற்றும் தலைமை மீதான நம்பிக்கையை மீட்டெடுப்பதில் ஆர்எஸ்எஸ் உயர் தலைவர்கள் தீவிரம் காட்டினர்.

முதல் வெற்றி 

மக்களவைத் தேர்தலில் அமைதியாக இருந்த ஆர்எஸ்எஸ் அதில் பாஜக வாங்கிய அடியைப் பார்த்த பின் இந்த சட்டமன்றத் தேர்தலில் களத்தில் இறங்கியதால் கிடைத்த பலன், மோடி மூன்றாவது முறையாகப் பிரதமரான பிறகு தேசிய அளவில் பாஜக ஜெயிக்கும் முதல் தேர்தல் இதுவே என்பதாகும்.

கடவுள் 

பாஜகவுக்கும் ஆர்எஸ்எஸ் க்கும் சமீப காலமாக உரசல்கள் இருப்பது அனைவரும் அறிந்ததே. மோடி தன்னை கடவுளின் நேரடி அவதாரமாக  மட்டுமே முன்னிலைப் படுத்தியது ஆர்எஸ்எஸ் தலைவர்களைக் கோபப்படுத்தியிருந்தாலும் பாஜகவின் தாய் இயக்கமாக அதன் அதிகாரத்தை உறுதி செய்யவேண்டிய பொறுப்பையும் ஆர்எஸ்எஸ் உணர்ந்தே உள்ளது.

ஒருவரை முன்னிலைப் படுத்துவதன் மூலமாக அன்றி சத்தமில்லாமல் வேர்களில் கிராமங்களில் வீடுதோறும், சமூகங்கள் தோறும் கொள்கைகளைப் பரப்புவதன் மூலமே ஆதரவை அறுவடை செய்து அதன்மூலம் அதிகாரத்தை நிலைநிறுத்த முடியும் என்பதில் ஆர்எஸ்எஸ் உறுதியாக இருக்கிறது என்பதை இந்த தேர்தல் வெற்றி காட்டுகிறது.

90 இடங்களை கொண்ட அரியானா சட்டமன்ற தேர்தல் வாக்குப்பதிவு கடந்த 5-ந்தேதி நடைபெற்றது. நேற்று வாக்கு எண்ணிக்கை நடைபெற்றது.

முதலில் காங்கிரஸ் 50-க்கும் அதிகமான இடங்களில் முன்னணி பெற்றது. பின்னர் அப்படியே தலைகீழாக மாறியது. பா.ஜ.க. முன்னிலை பெற்று இறுதியாக 48 இடங்களை பிடித்து தொடர்ந்து 3-வது முறையாக ஆட்சி அமைக்க இருக்கிறது. காங்கிரஸ் 37 இடங்களில் வெற்றி பெற்றது.

தேர்தல் வாக்கு எண்ணிக்கையின்போது மெதுவாக அப்டேட் செய்ததாக தேர்தல் ஆணையத்தின் மீது காங்கிரஸ் குற்றம்சாட்டியது. அத்துடன் தோல்வியை ஏற்கமாட்டோம் எனத் தெரிவித்தது.

இந்த நிலையில் அரியானா மாநில தோல்வி குறித்து ராகுல் காந்தி கூறியதாவது:-

அரியானாவின் எதிர்பாராத முடிவு குறித்து ஆராய்ந்து வருகிறோம். ஏராளமான சட்டமன்ற தொகுதியில் இருந்து வந்த புகார்கள் பற்றி தேர்தல் ஆணையத்திடம் தகவல் தெரிவிப்போம்" என்றார்.

"ஜம்மு-காஷ்மீரில் தேசிய மாநாடு- காங்கிரஸ் கூட்டணி வெற்றி பெற்றது, ஜனநாயக சுயமரியாதைக்கு கிடைத்த வெற்றி. ஜம்மு-காஷ்மீர் மக்களுக்க என்னுடைய இதயம் கனிந்த நன்றியை தெரிவித்துக் கொள்கிறேன். மாநில வெற்றி இந்தியாவின் வெற்றி. அரசியலமைப்பின் வெற்றி" எனக் குறிப்பிட்டுள்ளார்.

தேர்தலுக்க பிந்தைய கருத்துக் கணிப்பில் அரியானாவில் காங்கிரஸ் ஆட்சியை பிடிக்கும் என தெரிவிக்கப்பட்டது. ஆனால் வாக்கு எண்ணிக்கை முடிவில் கருத்து கணிப்பு பொய்யாக்கப்பட்டது.

அரியானா மாநிலத்தில் நடைபெற்ற தேர்தல் வாக்குகள் நேற்று எண்ணப்ப்பட்டன. முதலில் காங்கிரஸ் 50 இடங்களுக்கு மேல் முன்னிலை பெற்றது. வாக்கு எண்ணிக்கை தொடங்கிய சுமார் ஒரு மணி நேரம் கழித்து பா.ஜ.க முன்னிலை விகித்து இறுதியாக 90 இடங்களில் 48 இடங்களில் வெற்றி பெற்று 3-வது முறையாக ஆட்சியை பிடித்துள்ளது.

பெரும்பாலான தொகுதியில் இழுபறி நிலவியது. முன்னணி வகித்தவர்கள் பின்தங்குவதும், பின் தங்கியவர்கள் முன்னணி வகிப்பதுமாக இருந்தது. இதனால் பெரும்பாலான தொகுதிகளில் வெற்றி வாக்குகள் வித்தியாசம் மிகவும் குறைவாக இருந்தது.

இந்த நிலையில் உச்சானா கலன் தொகுதியில் போட்டியிட்ட பா.ஜ.க. வேட்பாளர் தேவேந்தர் சட்டர் புஜ் 32 வாக்குகள் வித்தியாசத்தில்தான் வெற்றி பெற்றுள்ளார். இதுதான் அரியானா மாநிலத்தில் குறைந்தபட்ச வாக்கு வித்தியாச வெற்றியாகும்.

"நு" மாவட்டத்தில் உள்ள பெரோஸ்புர் ஜிர்கா தொகுதியில் போட்டியிட்ட காங்கிரஸ் வேட்பாளர் மம்மான் கான் 98411 வாக்குகள் வித்தியாசத்தில் வெற்றி பெற்றார். இதுதான் அதிகபட்ச வித்தியாசத்தில் வெற்றி பெற்றதாகும். கான் 1,30,497 வாக்குகள் பெற, பா.ஜ.க. வேட்பாளர் நசீம் அகமது 32,056 வாக்குகள் மட்டுமே பெற்றார்.

இந்தியன் தேசிய லோக் தளம் கட்சியின் ஆதித்யா தேவிலால் தப்வாலி தொகுதியில் 610 வாக்குகள் வித்தியாசத்தில் காங்கிரஸ் வேட்பாளரை வீழ்த்தினார்.

காங்கிரஸ் வேட்பாளர் ரஜ்பீர் ஃபார்டியா, பா.ஜ.க.வின் மூத்த தலைவர் ஜெய் பிரகாஷ் தலாலை லொஹாரு தொகுதியில் 792 வாக்குகள் வித்தியாசத்தில் தோற்கடித்தார்.

ஆதம்பூர் தொகுதியில் காங்கிரஸ் வேட்பாளர் 1268 வாக்குகள் வித்தியாசத்தில் வெற்றி பெற்றார். பா.ஜ.க. வின் சுனில் சத்பால் சங்வான் தாத்ரி தொகுதியில் 1957 வாக்குகள் வித்தியாசத்தில் வெற்றி பெற்றார்.

காங்கிரஸ் கட்சியின் சந்தர் மோகன், பா.ஜ.க.வின் மூத்த தலைவரும், சட்டமன்ற சபாநாயகருமான ஜியான் சந்த் குப்தாவை 1997 வாக்குகள் வித்தியாசத்தில் வீழ்த்தினார்.

ஜம்மு காஷ்மீர் தேர்தலில் ஜம்மு காஷ்மீர் தேசிய மாநாடு கட்சி மற்றும் காங்கிரஸ் கூட்டணி 49 இடங்களில் வெற்றி பெற்றுள்ளன. உமர் அப்துல்லா 2-வது முறையாக ஜம்மு காஷ்மீர் முதல்வராக இருக்கிறார்.

ஜம்மு காஷ்மீர் தேர்தல் மூன்று பெண் வேட்பாளர்கள் வெற்றி பெற்றுள்ளனர்.

முன்னாள் மந்திரியான சகீனா மசூத் தேசிய மாநாடு கட்சி சார்பில் குல்காம் மாவட்டத்தில் உள்ள டி.ஹெச். போரா சட்டமன்ற தொகுதியில் வெற்றி பெற்றுள்ளார். சகீனா மசூத் 36,623 வாக்குகள் பெற்றா். 17,449 வாக்குகள் வித்தியாசத்தில் குல்சார் அகமது தார் என்பரை வீழ்த்தியுள்ளார்.

பா.ஜ.க. சார்பில் கிஷ்ட்வார் தொகுதியில் போட்டியிட்ட சகுன் பரிஹார், தேசிய மாநாடு கட்சியை சேர்ந்த சஜத் அகமது கிட்லூவை வீழ்த்தியுள்ளார். 29 வயதேயான ஷகுன் பரிஹார் 29,053 வாக்குகள் பெற்றிருந்தார். ஆனால் 521 வாக்குகள் வித்தியாசத்தில் மட்டுமே வெற்றி பெற்றார். சஜத் அகமது கிட்லூ 2002 மற்றும் 2008-ல் வெற்றி பெற்றவர் என்பது குறிப்பிடத்தக்கது.

மற்றொரு தேசிய மாநாடு கட்சி வேட்பாளர் ஷமிம் ஃபிர்டோயஸ், பா.ஜ.க. வேட்பாளர் அசோக் குமார் பாட்-ஐ 9538 ஆயிரம் வாக்களக் வித்தியாசத்தில் வீழ்த்தினார். இவர் ஸ்ரீநகரில் உள்ள ஹப்பாகடல் தொகுதியில் வெற்றி பெற்றுள்ளார். ஷமிம் 12437 வாக்குகள் பெற்றார். இந்த தொகுதியில் தேசிய மாநாடு கட்சி 1977-ல் இருந்து ஆறு முறை வெற்றி பெற்றுள்ளது. ஷமிம் 2008 மற்றும் 2014 தேர்தலில் வெற்றி பெற்றிருந்தார்.

2014 தேர்தலில் இரண்டு பெண் வேட்பாளர்கள் வெற்றி பெற்றிருந்தனர். தற்போது எண்ணிக்கை 3 ஆக உயர்ந்துள்ளது.

இந்தியாவின் முன்னணி மல்யுத்த வீராங்கனை வினேஷ் போகத். சமீபத்தில் மல்யுத்த போட்டியில் இருந்து ஓய்வு பெறுவதாக அறிவித்த வினேஷ் போகத் அரசியலில் குதித்தார். காங்கிரஸ் கட்சியில் தன்னை இணைத்துக் கொண்ட வினேஷ் போகத்திற்கு அரியானா சட்டசபை தேர்தலில் போட்டியிடும் வாய்ப்பை அக்கட்சி வழங்கியது.

ஜூலானா தொகுதியில் போட்டியிட்ட வினேஷ் போகத் தன்னை எதிர்த்து போட்டியிட்ட பா.ஜ.க. வேட்பாளர் யோகேஷ் குமாரை விட 6 ஆயிரத்து 15 வாக்குகள் அதிகம் பெற்று வெற்றி பெற்றார். இதன்மூலம் 19 ஆண்டுகளாக ஜூலானா தொகுதியில் தோல்வியை பார்த்து வந்த காங்கிரஸ் கட்சிக்கு வினேஷ் போகத் வெற்றியை தேடி கொடுத்துள்ளார்.

தேர்தலில் வெற்றிபெற்று சட்டமன்ற உறுப்பினராக தேர்ந்தெடுக்கப்பட்டுள்ள வினேஷ் போகத்திற்கு தமிழ் நாடு துணை முதலமைச்சர் உதயநிதி ஸ்டாலின் வாழ்த்து தெரிவித்துள்ளார். இது குறித்த எக்ஸ் தள பதிவில், "இந்தியாவின் நட்சத்திர வீராங்கனை மற்றும் அரியானாவின் ஜூலானா சட்டமன்றத் தொகுதியில் இருந்து வெற்றி பெற்ற காங்கிரஸ் கட்சி வேட்பாளர் வினேஷ் போகத்திற்கு மனமார்ந்த வாழ்த்துக்கள்."

"மக்கள் பிரதிநிதியாக மக்கள் சேவையின் இந்த புதிய அத்தியாயத்தில் அவர் மகத்தான வெற்றி பெற வாழ்த்துகிறேன். பாசிச சக்திகளுக்கு எதிராக செயல்பட அவரது ஆற்றல் அவருக்கு உந்து சக்தியாக தொடரட்டும்," என்று குறிப்பிட்டுள்ளார்.

ஜம்மு-காஷ்மீர் மாநிலத்தில் உள்ள 90 தொகுதிகளுக்கு மூன்று கட்டங்களாக வாக்குப்பதிவு நடைபெற்றது. முதல் கட்டமாக 24 தொகுதிகளுக்கும், 2-வது கட்டமாக 26 தொகுதிகளுக்கும், 3-வது கட்டமாக 40 தொகுதிகளுக்கும் வாக்கப்பதிவு நடைபெற்றது.

இதேபோன்று அரியானாவில் 90 தொகுதிகளுக்கு ஒரே கட்டமாக கடந்த 5-ந்தேதி வாக்குப்பதிவு நடைபெற்றது. ஜம்மு காஷ்மீர் மற்றும் அரியானாவில் நடைபெற்ற சட்டமன்ற தேர்தலில் பதிவான வாக்குகளை எண்ணும் பணிகள் இன்று காலை துவங்கி நடைபெற்று வருகிறது. அரியானாவில் பா.ஜ.க. கூட்டணி வெற்றி பெற்று மூன்றாவது முறையாக அம்மாநிலத்தில் ஆட்சி அமைக்க உள்ளது.

ஜம்மு காஷ்மீரில் தேசிய மாநாடு மற்றும் காங்கிரஸ் கூட்டணி வெற்றி பெற்றுள்ளது. தேசிய மாநாடு கட்சி 42 இடங்களில் வெற்றி பெற்றுள்ளது. காங்கிரஸ் கட்சி 6 இடங்களில் வெற்றி பெற்றுள்ளது. பா.ஜ.க. 29 இடங்களிலும் பிற கட்சிகள் ஆறு தொகுதிகளில் வெற்றி பெற்றுள்ளன. சுயேட்சைகள் ஏழு தொகுதிகளில் வெற்றி பெற்றுள்ளனர். 

ஜம்மு-காஷ்மீர் மாநிலத்தில் உள்ள 90 தொகுதிகளுக்கு மூன்று கட்டங்களாக வாக்குப்பதிவு நடைபெற்றது. முதல் கட்டமாக 24 தொகுதிகளுக்கும், 2-வது கட்டமாக 26 தொகுதிகளுக்கும், 3-வது கட்டமாக 40 தொகுதிகளுக்கும் வாக்கப்பதிவு நடைபெற்றது.

அரியானாவில் 90 தொகுதிகளுக்கு ஒரே கட்டமாக கடந்த 5-ந்தேதி வாக்குப்பதிவு நடைபெற்றது.

ஜார்கண்ட் மாநிலத்தில் இந்த ஆண்டின் இறுதியில் சட்டமன்றத் தேர்தல் நடைபெற உள்ளது.ஜார்கண்ட் மாநிலத்தில் இந்த ஆண்டின் இறுதியில் சட்டமன்றத் தேர்தல் நடைபெற உள்ளது.ஜார்கண்ட் மாநிலத்தில் இந்த ஆண்டின் இறுதியில் சட்டமன்றத் தேர்தல் நடைபெற உள்ளது.கடைசியாகக் கடந்த 2020 ஆம் ஆண்டு நடந்த தேர்தலில் மொத்தம் உள்ள 81 தொகுதிகளில் 30 தொகுதிகளைக் கைப்பற்றிய ஜார்கண்ட் முக்தி மோர்சா கட்சி ஹேமந்த் சோரன் தலைமையில் ஆட்சியமைத்தது. 25 தொகுதிகளை பாஜகவும், 16 தொகுதிகளைக் காங்கிரசும் கைப்பற்றியிருந்தன.

இந்நிலையில் நடந்து முடித்த பாராளுமன்றத் தேர்தலில் தனிப்பெரும்பான்மை கிடைக்காதது, தற்போது நடந்த அரியானா, ஜம்மு காஷ்மீர் தேர்தலில் காங்கிரஸ் ஆட்சியை பிடிக்கும் என்று வெளிவந்த தேர்தலுக்கு பிந்தைய கருத்துக்கணிப்புக்கள் உள்ளிட்டவற்றால் பாஜக கலக்கத்தில் உள்ளது.

முக்தி மோர்ச்சா கட்சியின் முக்கியத் தலைவர் சம்பாய் சோரனை தங்கள் பக்கம் இழுத்தும் வெற்றி கிடைக்குமா என்பதில் சந்தேகத்துடன் உள்ள பாஜக வர உள்ள தேர்தலுக்கு இலவசங்களை அள்ளி வீசி வாக்குறுதிகளை வெளியிட்டுள்ளது. முன்னதாக தமிழ்நாடு, டெல்லி உள்ளிட்ட மாநிலங்களில் மக்களுக்கு இலவசங்கள் வழங்கப்படுவதை விமர்சித்து வந்த பாஜக தற்போது தங்கள் கொள்கையையும் தளர்த்தி ரூட்டை மாற்றியுள்ளது.

ஜார்கண்ட்டில் தேர்தல் அறிவிக்கப்படும் முன்னரே பாஜக முந்திக்கொண்டு வெளியிட்ட இலவச அறிவிப்பு வாக்குறுதிகள் கீழ்வருமாறு,

➼18 வயதுக்கு மேலான மகளிருக்கு மாதம் ரூ. 2100 வழங்கும் திட்டம்

➼1 சிலிண்டர் ரூ.500 க்கு வழங்கப்படும்

➼பண்டிகை காலங்களில் குடும்பங்களுக்கு ஆண்டுக்கு 2 இலவச சிலிண்டர்கள்

➼5 ஆண்டுகளில் 5 லட்சம் இளைஞர்களுக்கு வேலை வாய்ப்பு

➼போட்டி தேர்வுக்கு தயாராகும் பட்டதாரி இளைஞர்களுக்கு ரூ.2,000 உதவித் தொகை

➼வீடற்றவர்களுக்கு வீடு கட்டித்தரும் திட்டம்

உள்ளிட்ட வாக்குறுதிகளை பாஜக வழங்கியுள்ளது.

சண்டிகர்:

அரியானா மாநிலத்தில் 90 சட்டசபை தொகுதிகளுக்கு நேற்று ஒரேகட்டமாக தேர்தல் நடைபெற்றது. அங்கு பா.ஜ.க., காங்கிரஸ், ஆம் ஆத்மி ஆகிய கட்சிகள் தனித்துப் போட்டியிடுகின்றன.

லோக்தளம்-பகுஜன் சமாஜ் கட்சி, ஜனநாயக ஜனதா கட்சி-ஆசாத் சமாஜ் கட்சி ஆகியவை கூட்டணியாக போட்டியிடுகின்றன.

இந்த தேர்தலில் 2 முறை ஆட்சியைப் பிடித்துள்ள பா.ஜ.க. 3-வது முறையாக வெற்றி பெறும் முனைப்புடன் உள்ளது.

முதல் மந்திரி நயாப் சிங் சைனி, முன்னாள் முதல் மந்திரி பூபிந்தர் சிங் ஹூடா, வினேஷ் போகத், ஜேபிபி தலைவர் துஷ்யந்த் சவுதாலா உள்ளிட்ட 1027 வேட்பாளர்கள் போட்டியிட்டனர். மக்கள் வாக்களிக்க வசதியாக 20,632 வாக்குச்சாவடிகள் அமைக்கப்பட்டன.

காலை 7 மணி வாக்குப்பதிவு தொடங்கிய நிலையில் மாலை 6 மணி வரை வாக்குப்பதிவு நிறைவடைந்தது.

தேர்தலில் பதிவான வாக்குகள் 8-ம் தேதி எண்ணப்பட்டு அன்றே முடிவுகள் அறிவிக்கப்பட உள்ளது.

இந்நிலையில், அரியானா மாநில தேர்தலில் 66 சதவீதம் வாக்குகள் பதிவானது என தேர்தல் ஆணையம் தெரிவித்துள்ளது.

அரியானாவில் 90 தொகுதிகளுக்கான ஒரே கட்ட வாக்குப்பதிவு இன்று நடைபெற்று வருகிறது. வாக்காளர்கள், தலைவர்கள், பிரபலங்கள் தங்களது வாக்குகளை பதிவு செய்து வருகின்றனர்.

பா.ஜ.க. எம்.பி.யும், தொழில் அதிபரான நவீன் ஜிண்டால் தனது வாக்கை செலுத்துவதற்காக குதிரையில் வந்தார்.

வாக்களித்த பின்னர் நவீன் ஜிண்டால் கூறியதாவது:-

மக்களிடையே அதிக அளவில் உற்சாகம் நிலவுகிறது. அவர்கள் தங்களது வாக்குகளை இன்று செலுத்தியுள்ளனர். மக்கள் பா.ஜ.க.-வுக்கு ஆதரவாக வாக்களிப்பார்கள் என நான் நம்புகிறேன். அரியானாவின் ஆசிர்வாதம் பா.ஜ.க.வுக்கு கிடைக்கும். நயாப் சிங் சைனி மீண்டும் முதலமைச்சர் ஆவார்.

நான் வாக்களிக்க குதிரையில் வந்துள்ளேன். இதை மங்களகரமானதாக கருதுகிறேன். என்னுடைய தாயார் சாவித்ரி ஜிண்டால் ஹிசார் தொகுதியில் போட்டியிடுகிறார். அவர் ஹிசார் தொகுதிக்கு அதிக அளவில் பணி செய்ய விரும்புகிறார். ஆகவே, மக்கள் விரும்பும் பிரதிநிதி யார் என்பதை அவர்கள் முடிவு செய்வார்கள்.

இவ்வாறு ஜிண்டால் தெரிவித்தார்.