காஞ்சிபுரம்

தாம்பரம்:

தாம்பரத்தை அடுத்த புதுபெருங்களத்தூர், புத்தர் நகர் பகுதியை சேர்ந்தவர் ராமதாஸ் (வயது 62). கட்டிட தொழிலாளி.

நேற்று மாலை மது போதையில் இருந்த ராமதாஸ் அதே பகுதி இந்திரா காந்தி பிரதான சாலை ஓரத்தில் விழுந்தார். பின்னர் அங்கேயே தூங்கி விட்டார்.

இந்த நிலையில் அவ்வழியே சென்ற கார் திடீரென சாலையோரத்தில் கிடந்த ராமதாஸ் மீது ஏறி இறங்கியது. இதில் பலத்த காயம் அடைந்த அவரை அக்கம் பக்கத்தினர் மீட்டு குரோம்பேட்டை அரசு ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வந்தது.

இன்று காலை சிகிச்சை பலனின்றி ராமதாஸ் பரிதாபமாக இறந்தார். இது குறித்து குரோம்பேட்டை போக்குவரத்து போலீசார் வழக்குப்பதிவு செய்து கார் டிரைவர் ஜெரால்டு பென்ஜமின் என்பவரை கைது செய்தனர். அவரிடம் விசாரணை நடந்து வருகிறது.

சென்னை, மார்ச்.5-

தி.மு.க. கூட்டணியில் விடுதலை சிறுத்தைகள் கட்சிக்கு 2 தொகுதிகள் ஒதுக்கப்பட்டுள்ளது.

தங்கள் கட்சிக்கு சிதம்பரம், விழுப்புரம், காஞ்சீபுரம் ஆகிய 3 தொகுதி களில் 2 தொகுதிகளை ஒதுக்கி தருமாறு மு.க.ஸ்டாலினிடம் திருமாவளவன் பட்டியல் கொடுத்துள்ளார்.

விடுதலை சிறுத்தைகள் கட்சிக்கு தற்போது சிதம்பரம் தொகுதியை ஒதுக்குவது உறுதியாகி விட்டது. திருமா வளவன் போட்டியிடுவதற் காக இந்த தொகுதி ஒதுக்கப் படுகிறது.

இன்னொரு தொகுதியில் முன்னாள் எம்.எல்.ஏ. ரவிக்குமார் போட்டியிடு வதற்காக விழுப்புரம் அல்லது காஞ்சீபுரம் தொகுதியை தருமாறு மு.க.ஸ்டாலினிடம் திருமாவளவன் வலியுறுத்தி உள்ளார்.

ஆனால் விழுப்புரம் தொகுதியில் வன்னியர்கள் செல்வாக்கு உள்ளதால் இங்கு தி.மு.க. வேட்பாளரை நிறுத்தினால்தான் வெற்றி பெற முடியும் என்று மு.க. ஸ்டாலினிடம் பொன்முடி கருத்து தெரிவித்துள்ளதால் விழுப்புரம் தொகுதியை தி.மு.க. வைத்துக் கொள்ள விரும்புகிறது.

இந்த நிலையில் விழுப் புரம் தொகுதி கிடைக்கா விட்டால் காஞ்சீபுரம் தொகுதியை விடுதலை சிறுத்தைகள் கட்சிக்கு தருமாறு திருமாவளவன் கோரிக்கை வைத்துள்ளார்.

கடந்த பாராளுமன்ற தேர்தலில் திருவள்ளூர் தொகுதியில் விடுதலை சிறுத்தை கட்சி போட்டியிட்டு தோல்வி அடைந்ததால் இந்த முறை திருவள்ளூர் தொகுதிக்கு பதில் காஞ்சீ புரம் தொகுதியை தருமாறு வலியுறுத்தி வருகின்றனர்.

காஞ்சீபுரம் தொகுதி விடுதலை சிறுத்தைகள் கட்சிக்கு ஒதுக்கப்படும் பட்சத்தில் அங்கு ரவிக்குமார் போட்டியிடுவார் என்று கட்சி நிர்வாகிகள் தெரிவித் தனர்.

சென்னை:

தென்மாவட்டங்களில் இருந்து பெருங்களத்தூர் வழியாக சென்னை மாநகருக்கு தினமும் பல்லாயிரக்கணக்கான வாகனங்கள் வந்து செல்கின்றன.

இதனால் பெருங்களத்தூரில் இருந்து திருச்சி செல்லும் சாலை எப்போதும் போக்குவரத்து நெரிசலில் சிக்கித் தவிக்கிறது. பெருங்களத்தூர், வண்டலூர், கூடுவாஞ்சேரி ஆகிய இடங்களில் வாகனங்கள் பல மணி நேரம் காத்திருக்க வேண்டியுள்ளது.

இந்த பிரச்சினைக்கு முற்றுப்புள்ளி வைக்கும் வகையில் வண்டலூர் சந்திப்பில் ரூ.55 கோடி செலவில் உயர்நிலை மேம்பாலம் கட்டப்படுகிறது. வண்டலூர்-கேளம்பாக்கம் சந்திப்பில் ஜி.எஸ்.டி. சாலை யில் இந்த பாலம் அமைக்கப்படுகிறது.

6 வழிப்பாதையுடன் கூடிய உயர்நிலை மேம்பாலம் அமைக்கும் பணி கடந்த 2016-ம் ஆண்டு செப்டம்பர் மாதம் தொடங்கப்பட்டது. 711 மீட்டர் நீளம் கொண்ட இந்த பாலத்தில் சாலையின் நடுவே 9 தூண்கள் அமைக்கப்பட்டுள்ளது.

இந்த பால கட்டுமான பணி கடந்த ஆண்டே முடிக்கப்பட்டிருக்க வேண்டும். ஆனால் கட்டுமான தொழிலாளர்கள் கிடைப்பதில் பிரச்சினை, மணல் கிடைக்காமை, சிமெண்ட் விலை உயர்வு உள்ளிட்ட காரணங்களால் பாலம் கட்டுமான பணியில் தாமதம் ஏற்பட்டது என்று அதிகாரிகள் தெரிவித்தனர்.

இந்த நிலையில் வண்ட லூர் பாலத்தின் கட்டுமான பணிகள் அடுத்த மாதம் (ஏப்ரல்) முடிவடையும் என்று கட்டுமான நிறுவனத்தினர் தெரிவித்துள்ளனர். தற்போது பாலத்தின் சுற்றுச் சுவர்கள் அமைக்கும் பணி நடந்து வருகிறது. இந்த மேம்பால பகுதியில் புதிய டிராபிக் சிக்னலும் அமைக்கப்படுகிறது.

சென்னையில் இருந்து கேளம்பாக்கம் செல்லும் வாகனங்கள் பாலத்தின் வலதுபுறம் திரும்பி கீழே இறங்கி செல்ல வேண்டும்.

தற்போது மோட்டார் சைக்கிளில் செல்பவர்கள் போக்குவரத்து நெரிசல் காரணமாக 10 நிமிடத்துக்கும் மேல் இந்த பகுதியில் காத்திற்க வேண்டி உள்ளது. இந்த பாலம் திறக்கப்பட்டால் போக்குவரத்து நெரிசல் குறைவதுடன் அனைத்து வாகனங்களும் விரைவில் செல்ல முடியும்.

ஆலந்தூர்:

சென்னை கிண்டி நரசிங்கபுரம் பகுதியை சேர்ந்த ரேவதி என்ற பெண் நேற்று இரவு வெட்டிக் கொலை செய்யப்பட்டார்.

கணவரை இழந்த 2 மகள்களுடன் வசித்து வந்தார். இளநீர் வியாபாரம் செய்து குடும்பத்தை கவனித்து வந்து இவரது மகள்களில் ஒருவருக்கும், கிண்டி மசூதி காலனியை சேர்ந்த வினோத் என்ற வாலிபருக்கும் திருமணம் நிச்சயிக்கப்பட்டு திருமணம் நின்று போனது.

கடந்த ஓராண்டுக்கு முன்னரே நிச்சயதார்த்தம் நடந்த நிலையில் அதன் பின்னர் வினோத்தின் நடவடிக்கைகள் சரி இல்லை என்று கூறி தாய் ரேவதி தான் திருமணத்தை நிறுத்தியுள்ளார்.

இதன்பின்னர் வினோத் பலமுறை கேட்டுப்பார்த்தும் ரேவதி திருமணத்துக்கு சம்மதிக்கவில்லை. இதன் காரணமாகவே வினோத் நேற்று இரவு தனது நண்பர் ஒருவருடன் சேர்ந்து ரேவதியை வெட்டிக் கொலை செய்தார்.

இதுபற்றி கிண்டி உதவி கமி‌ஷனர் சுப்பராயன், இன்ஸ்பெக்டர் சிவக்குமார் ஆகியோர் விசாரணை நடத்தினர்.

இந்த நிலையில் ரேவதியை கொலை செய்த வினோத் நேற்று இரவு கைது செய்யப்பட்டார். போலீசில் அவர் அளித்த பரபரப்பு வாக்குமூலம் வருமாறு-

ரேவதியின் மகளுடன் திருமண நிச்சயதார்த்தம் நடந்த பின்னர் நாங்கள் இருவரும் பலமுறை சந்தித்து பேசியுள்ளோம். இதனால் ரேவதியின் மகள் இல்லாமல் என்னால் வாழ முடியாது என்கிற சூழ்நிலைக்கு தள்ளப்பட்டேன். திருமணத்தை நிறுத்திய பின்னர் நான் பலமுறை ரேவதியை சந்தித்து மகளுடன் சேர்த்து வைக்குமாறு கூறினேன்.

ஆனால் அவர் அதற்கு சம்மதிக்கவில்லை. இந்த நிலையில் திருமணம் நிச்சயிக்கப்பட்ட பெண்ணை நான் அடிக்கடி சந்தித்து பேசி வந்தேன்.

இதுபற்றி அறிந்ததும் ரேவதி மகளை விடுதியில் சேர்த்து விட்டார். இதனால் என்னால் அந்த பெண்ணை பார்க்க கூட முடியாமல் போய்விட்டது.

இதுபற்றி கடந்த வாரம் நேரில் சந்தித்து கேட்டேன். அப்போது ரேவதி, இனி, என் மகளை நீ பார்க்கவே கூடாது என்று வறினார். இதனால் ஆத்திரம் அடைந்த நான் கொல்லாமல் விட மாட்டேன் என்று ரேவதியை எச்சரித்தேன். ஆனால் அவர் மனம் மாறவில்லை. இதனாலேயே சரமாரியாக வெட்டிக் கொலை செய்தேன். 

இவ்வாறு வினோத் வாக்கு மூலம் அளித்துள்ளார்.

இன்று அவரை கோர்ட்டில் ஆஜர்படுத்தி போலீசார் சிறையில் அடைக்கிறார்கள்.

தாம்பரம்:

குரோம்பேட்டை நியூ காலனி, 12-வது தெருவில் உள்ள குடியிருப்பில் முதல் மாடியில் வசித்து வருபவர் பிருந்தா. தனியார் நிறுவனத்தில் வேலை பார்த்து வருகிறார்.

நேற்று இரவு அவர் பணி முடிந்து வீட்டுக்கு வந்தார். அவர் வீட்டில் தனியாக இருந்தார்.

இந்த நிலையில் மர்ம வாலிபர் வீட்டின் கதவை தட்டினான். பிருந்தா கதவை திறந்ததும் அவன் கத்தியை காட்டி மிரட்டி உள்ளே புகுந்தான். பின்னர் பிருந்தாவை கட்டிபோட்டு வாயில் துணியை திணித்தான்.

மேலும் பிருந்தா அணிந்திருந்த 9 பவுன் நகையை பறித்து விட்டு அங்கிருந்து தப்பி சென்று விட்டான்.

சிறிது நேரம் கழித்து சத்தம் கேட்டு வந்த அக்கம் பக்கத்தினர் பிருந்தாவை மீட்டனர்.

இதுகுறித்து குரோம்பேட்டை போலீசார் வழக்குப் பதிவு செய்து கொள்ளையனை தேடி வருகிறார்கள்.