இந்தவார ராசிபலன்

26.11.2023 முதல் 3.12.2023 வரை

சங்கடங்கள் விலகும் வாரம். ராசி மற்றும் 10-ம் அதிபதி புதன் 4-ம்மிடத்தில் நின்று தொழில் ஸ்தானமான 10-ம்மிடத்தை தானே பார்ப்பதால் தொழில் வியாபாரத்தில் நல்ல வாய்ப்புகள் தடையின்றி கிடைக்கும். வேலையில் எதிர்பார்க்கும் பதவி உயர்வுகள் கிடைக்கும். பங்கு வர்த்தகர்களுக்கு மிகச் சாதகமான காலம். பணவரவு சிறப்பாக இருப்பதால் கடன் நெருக்கடிகள் சற்று குறையும். துக்கம், துயரம், சங்கடங்கள் விலகும். வாக்கு வன்மையால், பண பலத்தால் விரும்பியதை சாதித்துக் கொள்வீர்கள்.

குடும்ப தேவைகள் பூர்த்தியாகும். விருப்ப திருமணத்திற்கு தந்தையின் ஆதரவு கிடைக்கும். பெண்களுக்கு பிறந்த வீட்டுச் சொத்து கிடைப்பதில் சட்டச் சிக்கல் ஏற்படலாம். வீடு, வாகன யோகம் சிறப்பாகவுள்ளது. பொது வாழ்க்கையில் இருப்பவர்களுக்கு சமூக அந்தஸ்த்தை நிலைப்படுத்தும் கவுரவப் பதவிகள் கிடைக்கும். தியாக மனப்பான்மை மிகுதியாகும். தொழில், பணி அல்லது குடும்ப சூழல் காரணமாக தம்பதிகள் சிறிது காலம் பிரிந்து வாழலாம். சிலருக்கு கண் சிகிச்சை செய்ய வேண்டிய நிர்பந்தம் உருவாகும். புதன்கிழமை விஷ்ணு சகஸ்ஹர நாமம் படிப்பது நல்லது.

`பிரசன்ன ஜோதிடர்'

ஐ.ஆனந்தி

செல்: 98652 20406