சேலம் மாநகர் மாவட்ட தே.மு.தி.க. தேர்தல் பொறுப்பாளர்கள் அறிமுக கூட்டம்

சேலம்:

சேலம் மாநகர் மாவட்டத்திற்கு உட்பட்ட வடக்கு, தெற்கு, மேற்கு ஆகிய தொகுதிகளுக்கு தேர்தல் பொறுப்பாளர்களை தே.மு.தி.க தலைவர் விஜயகாந்த் நியமித்தார். வடக்கு தொகுதி பொறுப்பாளராக அவைத்தலைவர் செல்வகுமார், தெற்கு தொகுதி பொறுப்பாளராக பொருளாளர் தனசேகர், மேற்கு தொகுதி பொறுப்பாளராக துணை செயலாளர் பாலகிருஷ்ணன் ஆகியோர் நியமிக்கப்பட்டனர். 

இதன் அறிமுக கூட்டம் சேலம் மாநகர் மாவட்ட தே.மு.தி.க கட்சி அலுவலகத்தில் நடந்தது. இதில் மாநகர் மாவட்ட செயலாளர் ராதாகிருஷ்ணன் அறிமுகப்படுத்தி வைத்து பேசினார். 

இந்த நிகழ்ச்சியில் பகுதி செயலாளர் தக்காளி ஆறுமுகம், கிச்சிப்பாளையம் விஜி, நடராஜன், சேகர், செந்தில், ஜெயக்குமார், ராஜி, சேலம் ஒன்றிய கோவிந்தராஜ், கேப்டன் மன்றம் பன்னீர் செல்வம் உள்பட பலர் கலந்து கொண்டனர். #dmdk