சுக்கு மிளகுக் குழம்பு செய்வது எப்படி

தேவையான பொருட்கள் :

மிளகு - 1 டீஸ்பூன்
சுக்கு - அரை டீஸ்பூன்
மிளகாய் வற்றல் - 2
கறிவேப்பிலை - 2 கொத்து
உளுத்தம் பருப்பு, துவரம் பருப்பு - தலா 1 டீஸ்பூன்
பூண்டு - 4 பல்
தனியா - 1 டீஸ்பூன்
புளி - ஒரு எலுமிச்சை அளவு
எண்ணெய், உப்பு - தேவையான அளவு



செய்முறை :

புளியை கரைத்து கொள்ளவும்.

மிளகு, சுக்கு, மிளகாய் வற்றல், கறிவேப்பிலை, உளுத்தம் பருப்பு, துவரம் பருப்பு, தனியா ஆகியவற்றைச் சிறிதளவு எண்ணெயில் தனித்தனியாக வாசனை வரும் வரை வறுத்து ஆற வைக்கவும்.

நன்றாக ஆறியதும் அவற்றுடன் பூண்டு சேர்த்து மிக்சியில் போட்டு நைசாக அரைத்து கொள்ளவும்.

கடாயை அடுப்பில் வைத்து நல்லெண்ணெய் ஊற்றி கொதிக்க ஆரம்பித்தவுடன் அதில் கரைத்த புளிக் கரைசலை ஊற்றி கொதிக்க விடவும்.

புளிக்கரைசல் நன்றாக கொதிக்க ஆரம்பித்தவுடன் அதில் தேவையான அளவு உப்பு சேருங்கள்.

அடுத்து அதில் அரைத்து வைத்துள்ள மசாலாவை சேர்த்துத் தளதளவெனக் கொதிக்கவிடுங்கள்.

குழம்பில் எண்ணெய் தனியாகப் பிரிந்து வரும்போது இறக்கி சிறிதளவு வெல்லம் சேர்த்து இறக்கவும்.

சூப்பரான சுக்கு மிளகுக் குழம்பு ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.